Bizimlə əlaqə | Reklam
BolgeXeber.Com » Gündəm » Beyləqanın «meri»nin ali təhsili yox imiş

Beyləqanın «meri»nin ali təhsili yox imiş

20-05-2014, 09:35
Oxunub: 4 464 Onun mütəmadi olaraq Qamışlıq adlanan yerə getdiyi, «Kral» adlı restorana sahib olduğuvə digər məsələlərdən bəhs olunur

Azərbaycanda bir sıra məmurların diplomsuz olması barədə dəfələrlə yazılıb. Hələ bir müddət əvvəl aparılan araşdırmalar zamanı polisdə belə yüksək vəzifə tutmuş şəxslərin də saxta diplomla işə düzəldiyi aşkarlanmışdı. Növbəti belə məlumat isə Beyləqandan gəlib.

Jam.az-a daxil olan məlumata görə, Beyləqan şəhər İcra Nümayəndəliyinin rəhbəri Azil Aslanovun da ali təhsili yox imiş. Diplomsuz olan «mer»in işə düzəlməsi isə icra başçısı Vaqif Abdullayevin sayəsində mümkün olub. Xəbərdə deyilir ki, Aslanov Gəncə Texnologiya Universitetində «təhsil aldığına» dair «arayış» gətirərək, onu icra başçısına təqdim edir və bununla da rayonun «meri» olmaq imkanı əldə edir. Və bunu da belə əsaslandırır ki, guya, diplomunu itirib və müqabilində ona arayış veriblər.

Gələn məlumatlarda Azil Aslanovun təkcə öz işləri ilə deyil, həm də başqa məsələlərlə məşğul olduğuna dair fikirlər də yer alıb. Məsələn, onun mütəmadi olaraq Qamışlıq adlanan yerə getdiyi, «Kral» adlı restorana sahib olduğu və digər məsələlərdən bəhs olunur. Hətta «Kral»da rayonun axund və mollalarının vaxtaşırı gözə dəyməsinin də səbəbsiz olmadığı vurğulanır. Bu məlumatları araşdırdıqdan sonra oxuculara təqdim edəcəyik.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]