Bizimlə əlaqə | Reklam
BolgeXeber.Com » Gündəm » Hüquq müdafiəçisinin səhhətində dəyişikliklər var

Hüquq müdafiəçisinin səhhətində dəyişikliklər var

20-05-2014, 10:05
Oxunub: 3 214 Mirvari Qəhrəmanlının müalicəsi davam edir, onun səhhətinə olan təhlükə sovuşmaqdadır
Bir neçə gün əvvəl insult keçirən hüquq müdafiəçisi Mirvari Qəhrəmanlının vəziyyəti müsbətə doğru dəyişir. Onun müalicəsi də ciddi şəkildə aparılır. Bu barədə musavat.com-a xanımın həkimi məlumat verib. O bildirib ki, bir neçə təhlükə ocağı olduğundan, müalicənin təsiri tez özünü göstərmir. M.Qəhrəmanlının həyatına olan təhlükə isə yavaş-yavaş sovuşur. Həkim xəstənin müalicəyə cavab verəcəyinə ümid etdiyini vurğulayıb.

M.Qəhrəmanlıı özü isə bildirib ki, hər gün günün birinci yarısı həkim qəbulunda və sistem altında olur: “Müalicəm ciddi şəkildə gedir. Ancaq xəstəxanada yatmıram. Hər gün gedib iynələrimi vurdururam, sistemləri köçürtdürürəm. Vəziyyətim əvvəlkindən babatdır. Həkim bütün günü yataq rejimində olmağımı tələb edir. Ancaq mənim işləməyim də lazımdır. Özümə görə narahat deyiləm, dəyənək də yemişəm, xuliqanlığa görə cərimə də ediblər. Ancaq bu qədər narahatlıq keçirməmişəm. Qızımla bağlı baş verənlərdən çox narahat oldum, uzaqda idim, gələ də bilmirdim. Çarəsizlikdən bu günə düşdüm. Haqqı nahaqqa verdilər. Balamın imicini zədələmək istədilər”.

Onun sözlərinə görə, müalicənin birinci kursu gələn həftə yekunlaşacaq. Onun durumu həkimlər tərəfindən orta-ağır qiymətləndirilir. Müalicənin təsiri yaxşı olmasa, hüquq müdafiəçisinin xəstəxanada yatmasının vacib olduğu da bildirilir.

Qeyd edək ki, hüquq müdafiəçisinin qızı, Qadın Krizis Mərkəzinin direktoru Mətanət Əzizova Rauf Mirqədirovun işi ilə bağlı dindirildikdən sonra ailəsi ilə bərabər media da ondan xəbər ala bilmir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]