Bizimlə əlaqə | Reklam
BolgeXeber.Com » Gündəm » Bakıda qonşusunu qətlə yetirən şəxs

Bakıda qonşusunu qətlə yetirən şəxs

20-05-2014, 10:45
Oxunub: 4 605 Bakıda qətl hadisəsi törədilib. Bakı şəhər Baş Polis İdarəsindən verilən məlumata görə, mayın 20-də Biləcəri qəsəbəsi Məlik Aslanov küçəsində yaşayan 1984-cü il təvəllüdlü Rüstəm Həsənov münaqişə zəminində 1986-cı il təvəllüdlü Elşən Ələkbərovu bıçaqlayaraq qətlə yetirib. Binəqədi RPİ 6-cı PB əməkdaşları R.Həsənovu yaxalayıb.

Qətl hadisəsi ilə bağlı bəzi məqamlar aydınlaşıb. Əldə olunan məlumata görə, Biləcəri qəsəbəsində 30 yaşlı Rüstəm Həsənov qətlə yetirdiyi 28 yaşlı Elşən Ələkbərovla qonşu olub. Onlar həm də yaxın qohum imişlər.

Bu gün səhər saatlarında qonşular küçədə hələlik bəlli olmayan səbəbdən mübahisə ediblər. Mübahisə zəminində R.Həsənov özündən iki yaş kiçik olan Elşənə bıçaqla bir zərbə endirib. Xəstəxanaya aparılan E.Ələkbərov yolda keçinib.

Faktla bağlı rayon prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə iş başlanılıb. İstintaq davam etdirilir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]