Bizimlə əlaqə | Reklam
BolgeXeber.Com » Gündəm » Binəqədidə ölümlə nəticələnən partlayış

Binəqədidə ölümlə nəticələnən partlayış

20-05-2014, 11:20
Oxunub: 3 874 Binəqədi rayonunda bədbəxt hadisə baş verib. Dünən saat 14:28-də 7 mikrorayonda kanalizasiya lyukunda baş verən partlayışda 3 nəfər ağır xəsarət alıb. Onlar 1989-cu il təvəllüdlü Atayev Namiq Məhəmməd oğlu,1956-cı il təvəllüdlü Qasımov Fazil Maşallah oğlu və Novruzov Coşqun Nadir oğludur. Binəqədi Rayon Polis İdarəsindən verilən məlumata görə, kanalizasiya xəttində yaranan problemlə əlaqədar Rayon Su-Kanal İdarələrinin üç nəfər əməkdaşı hadisə yerinə təhkim olunub. Hər üç şəxs lyuka daxil olaraq qəzanı aradan qaldırmağa çalışıblar, bu vaxt lyukda partlayış baş verib.

Hadisə yerinə Fövqəladə Hallar Nazirliyinin əməkdaşları gələrək hər üç şəxsi kanalizasiya lyukundan çıxardıblar. Elə həmin vaxt Bakı Şəhər Təcili və Təxirəsalınmaz Tibbi Yardım Stansiyasına müraciət olunub. Hər üç şəxs ağır vəziyyətdə Klinik Tibbi Mərkəzin Toksikologiya Mərkəzinə yerləşdirilib.

Mərkəzdən bildirilən məlumata görə, yaralılardan 2-si müalicə olunduqdan sonra evə buraxılıb, bir nəfər-Atayev Namiq Məhəmməd oğlu isə dünyasını dəyişib.

Məlumata görə partlayışa səbəb lyukda yığılan qaz olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]