Bizimlə əlaqə | Reklam
BolgeXeber.Com » Gündəm » Maşın bazarında satıcıların etiraz aksiyası

Maşın bazarında satıcıların etiraz aksiyası

20-05-2014, 12:25
Oxunub: 4 293 Bir qrup satıcı yer haqqının qaldırılmasına etiraz edir.

Bu gün səhər saatlarında Xətai rayonu, Babək prospektində yerləşən "maşın bazarı"nda bir qrup satıcı etiraz aksiyası keçirib. Aksiya keçirən satıcılar yer haqlarının qaldırılmasına etiraz ediblər. Onlar bazarın müdiri Rasim Salmanovla görüşmək istəyiblər. Əraziyə Xətai Rayon Polis İdarəsinin əməkdaşları cəlb olunublar. Aksiya iştirakçılarının təkidinə baxmayaraq, bazar rəhbərliyi onlarla görüşmək istəməyib.

Bolgexeber.com musavat.com-a istinadən bildirir ki, bazarda işləyənlərin sözlərinə görə, bazarın müdiri Rasim Salmanov gözlənilmədən yer haqlarını 150-350 manat arasında qaldırıb. Bu barədə bazarda çalışanlara heç bir səbəb göstərməyən rəhbərlikdən bildirilib ki, iyunun 1-dən yeni qayda ilə yer haqlarının yığılmasına başlanılacaq.

Məsələ ilə bağlı bazar rəhbərliyi ilə görüşməyə çalışdıq. Rasim Salmanovun oturduğu ofisdən bizə bildirdilər ki, müdir xaricdədir və bütün bu iddialara özü gələndən sonra cavab verəcək.

“Maşın bazarı”nda baş verənlər haqqında daha ətraflı məlumat verəcəyik.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]