Bizimlə əlaqə | Reklam
BolgeXeber.Com » Gündəm » Bərdədə idarə rəhbəri müraciət edən vətəndaşlardan pul istəyir

Bərdədə idarə rəhbəri müraciət edən vətəndaşlardan pul istəyir

23-05-2014, 11:30
Oxunub: 4 370 Bərdə Məşğulluq İdarəsində sözün həqiqi mənasında özbaşınalıq hökm sürür.

Rayonda işsiz adamları işlə təmin etmək, onlara yol göstərmək və tələbə-təklif haqqında məlumat verməli olan bu qurum konkret olaraq bildiyi kimi hərəkət edir.

Sözügedən qurum vətəndaşlara münasib iş yerlərinin axtarılmasında, işəgötürənlərə lazımi kadrların seçilməsində köməklik göstərməli olduğu halda, onlara edilən müraciətlərə demək olar ki, baxmır. Elə bu səbəbdəndir ki, Bərdədə işsizlərin sayı getdikcə artmaqla yanaşı, onların iş tapmaları da mümkünsüzə çevrilib.

Qeyd edək ki, Məşğulluq İdarəsi əmək bazarında olan tələb və təklif haqqında məlumat verməyə də borcludur. Amma onlara müraciət edənlərə ən yaxşı halda «bizdə iş yoxdur» deməklə kifayətlənirlər. Səbəb isə Bərdə Məşğulluq İdarəsinin rəhbərinin işsizlərdən pul ummasıdır.

Sözügedən qurumların bir funksiyası da gənclərin peşə seçiminə köməklik məqsədilə peşəyönümünün təşkilidir. Bərdə Məşğulluq İdarəsində bununla bağlı kimə söz desən, üzünə baxıb, cavab verə bilməz. Çünki bunu etmək üçün nə kadr var, nə də həvəs. Üstəlik, bu işlər də pulsuz həll olunmadığından heç cür həllini tapmır.

Qeyd edək ki, Bərdə Məşğulluq İdarəsinin rəhbəri özbaşınalıq üçün geniş şərait yaradıb və onun tək istəyi asan yolla pul qazanmaqdır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]