Bizimlə əlaqə | Reklam
BolgeXeber.Com » Gündəm » «175» saylı avtobusun sahibkarı NN-i saymır?

«175» saylı avtobusun sahibkarı NN-i saymır?

14-06-2014, 17:35
Oxunub: 4 078 Marşrut sürücülərinin özbaşınalığı ilə bağlı tədbir görülmür

Bakıda bəzi avtobus sürücülərinin xoşagəlməz əməlləri davam edir. Belə ki, paytaxt avtobuslarının kart sisteminə keçidi ətrafında söz-söhbət səngimək bilmir. Paytaxt sürücüləri və sərnişinləri üçün yeni olan bu sistemin tətbiqi, hələ ki, qarşılıqlı problem yaratmaqda davam edir. Bütün bunlar bir yana «Hövsan qəsəbəsi - "28 May" metrostansiyası» istiqamətində hərəkət edən «175» saylı avtobusların sürücüləri hərəkət qrafikini kobud sürətdə pozur, axşam saat 18 radələrindən sonra 20 dəqiqəlik intervalla xəttə çıxırlar.

Hövsan qəsəbəsinin sakinləri bildirirlər ki, 20 dəqiqəlik interval axşam saat 20-dən sonra yarım saatla əvəzlənir. Üstəlik, axşam saat 22-dən sonra sərnişinlər evə getməyə maşın tapmırlar. Buna görə də məcburiyyət qarşısında qalıb, taksi sürücülərinə üz tuturlar. Avtobusların olmamasından istifadə edən taksi sürücüləri isə Hövsan qəsəbəsi sakinlərinə qiymət oxuyurlar. Sərnişinlər bildirirlər ki, bu cür xoşagəlməz hal illərdlir davam edir. Qəsəbə sakini Rasim Tağıyevin sözlərinə görə, «175» saylı marşrut avtobusu sürücülərinin bu qanunsuzluqları illərdir davam edir: «Hövsan qəsəbəsindən «Əhmədli» metrostansiyası istiqşamətində «132» saylı avtobuslar da hərəkət edir. Ancaq həmin avtobusların sürücülərinin hərəkət qrafiki 4-5 dəqiqədir. Onlar sərnişinlərlə olduqca mədəni şəkildə davranır, hərəkət intervalını pozmurlar. Amma «175» saylı avtobusun sürücüləri isə hərəkət qrafikini kobud şəkildə pozurlar. Bu marşrutun sahibkarı sanki Nəqliyyət Nazirliyinə meydan oxuyur. Sürücülərin özbaşınalıqları isə öz yerində. Xahiş edirik, Nəqliyyat Nazirliyinin rəhbərliyi «175» saylı avtobusların sürücüləri ilə bağlı araşdırma aparsınlar. Onda bu şəxslərin hansı özbaşınalıqlar etdiklərini özləri görəcəklər».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]