BolgeXeber.Com » Gündəm » Astaranın icra başçısı sakinlərlə görüşdə çıxılmaz vəziyyətə düşdü

Astaranın icra başçısı sakinlərlə görüşdə çıxılmaz vəziyyətə düşdü

4-07-2014, 14:35

Oxunub: 3 937

Artıq kimsə yalanları udmaq istəmir

Bu gün Astara rayon İcra Hakimiyyətinin başçısı Qəzənfər Ağayev Suparibağ kəndində əhali ilə görüşüb. Bu barədə Dia.az-a məlumat verən rayon sakinləri bildirir ki, icra başçısı ilə görüş zaman bir insident də yaşanıb.

Redaksiyamıza məlumat verən mənbə iddia edir ki, başçı görüş zamanı görülən işlərdən danışıb: “Q.Ağayev bildirib ki, Suparibağ nümayəndəliyin xeyli ərazisini əhatə edən Ərçivan-Şuvi-Qapıçıməhəllə dairəvi yolu, Suparibağ-Seləkəran və Seləkəranla-Astara şəhərinin Giləkəran yaşayış massivini birləşdirən avtomobil yolları asfaltlanıb, Rudəkənar kənd ümumi orta məktəbinin yeni binası istifadəyə verilib, Suparibağ kənd tam orta məktəbi üçün inşa edilən binanın tikintisi isə başa çatdırılmaq üzrədir. Kəndə qaz və elektrik enerjisinin fasiləsiz verilişi təmin olunub”.

Mənbə bildirir ki, başçının bu sözlərindən sonra Suparibağ kəndinin sakinlərindən biri ayağa qalxaraq Qəzənfər Ağayevə etiraz edib: “Təxminən 60 yaşı olan kənd sakini başçını yalan danışmaqda ittiham edib və ona bildirib ki, bu qış boyunca onlar təbii qaz bir yana, işığın belə üzünü görməyiblər. Bundan sonra digər kənd sakinləri də bildiriblər ki, onlara qaz-işıq yayın istisində yox, daha çox qışda lazımdır”.

Mənbənin bildirdiyinə görə, icra başçısı və kəndin icra nümayəndəsi zorla sakinləri sakitləşdirib: “Hətta sonda yerli polis də işə müdaxilə edib”.

Qarşı tərəfi də dinləməyə hazırıq...
Bolgexeber.com

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]