Bizimlə əlaqə | Reklam
BolgeXeber.Com » Gündəm » Mehdiabadda 85 min manat yandı

Mehdiabadda 85 min manat yandı

10-07-2014, 11:00
Oxunub: 3 335 Hadisə vaxtı ev sahiblərindən heç kəsin mənzildə olmaması yanğının faciəsiz ötüşməsi ilə nəticələnib

Abşeron rayonu Mehdiabad qəsəbəsində iki mərtəbəli fərdi yaşayış evində yanğın baş verib. Hadisə nəticəsində vətəndaşa məxsus evin 2-ci mərtəbəsi tamamilə yanıb.

Qəsəbənin Aşıq Ələsgər küçəsindəki iki mərtəbəli evin yuxarı mərtəbəsindən başlayaın yanğın qısa zaman ərzində böyük ərazini əhatə edib və tezliklə 5 otağı öz əhatəsinə alıb. Alovla bacarmağın çətin olduğunu görən ev sahibləri dərhal Fövqəladə Hallar Nazirliyinin 112 qaynar xətt ximdətinə məlumat veriblər. Əraziyə gələn Abşeron rayon dövlət yanğından mühafizə hissəsinin yanğınsöndürənləri alovu ram etməyə çalışsalar da, buna nail ola bilməyiblər. Bu məqsədlə də, əlavə kömək üçün Binəqədi rayonundan da 2 yanğınsöndürmə briqadası çağırılıb.

Ümümi sahəsi 470 kvadrat metr olan evin yuxarı mərtəbəsi tamamilə yansa da, yanğının 1-ci mərtəbəyə keçməsinin qarşısı yanğınsöndürənlər tərəfindən alınıb.

Hadisə vaxtı ev sahiblərindən heç kəsin mənzildə olmaması yanğının faciəsiz ötüşməsi ilə nəticələnib. Yanğın tamamilə söndürüldükdən sonra məlum oldu ki, zərəçəkənin evində olan 85 min manat pul alovun qurbanı olub.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]