Bizimlə əlaqə | Reklam
BolgeXeber.Com » Gündəm » Nurçulara yaxın olan restoran boykot edildi - Bakıda

Nurçulara yaxın olan restoran boykot edildi - Bakıda

11-07-2014, 15:35
Oxunub: 3 972 Türkiyənin məşhur kafe brendlərindən olan MADO şəbəkəsinin bütün kafeləri Bakıda boykot edilib

Axar.az-ın verdiyi xəbərə görə, boykotun səbəbi adı çəkilən restoranın sakinlərin hərəkəti üçün nəzərdə tutulan keçidi zəbt edərək yolu bağlamasıdır.

Feysbuk sosial şəbəkəsində bunun üçün “tədbir” ("event") yaradılıb.

“MADO-nu boykot edək” virtual tədbirini təşkil edən jurnalist Tural Qurbanlı saytımıza bildirib ki, onların əsas tələbi keçiddə Nizami küçəsində adıçəkilən restoran tərəfdə hərəkətin bərpa edilməsidir:

“Bu, virtual etirazdır. Biz etiraz edən insanların sayını çoxaltmaqla restoran sahiblərini qanunsuz əməllərindən çəkinməyə çağırırıq. İnsanlar kafedə oturanları narahat etmək istəmədiklərindən və özləri də oradan keçərkən narahat olduqlarından onların hərəkəti üçün tikilmiş keçidlə deyil, günün altıyla hərəkət edirlər. Bunun məsuliyyətini MADO mağazası daşıyır”.

Jurnalist paytaxt sakinlərinə çağırış etməyi də unutmadı:

“Oradan keçənlər kafenin zəbt etdiyi keçiddən istifadə etsin. Vaxtı olanlar axşam saat 8-9 arası şəhərə gəlsin. Dostlarımızla kütləvi şəkildə keçiddə gəzişəcəyik. Onlar insanların haqqını pozmağa son qoyana qədər etirazlarımız davam edəcək”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]