Bizimlə əlaqə | Reklam
BolgeXeber.Com » Gündəm » Rektor-deputatın “Muğan Bank”ı bağlanır?

Rektor-deputatın “Muğan Bank”ı bağlanır?

12-07-2014, 10:35
Oxunub: 4 111 Odlar Yurdu Universitetinin rektoru, deputat Əhməd Vəliyevə məxsus olan “Muğan Bank” bağlanır

Bolgexeber.com bildirir ki, axar.az-ın Muğan Bankdakı məlumatlı mənbədən əldə etdiyi xəbərdə iddia olunur ki, bankın mərkəzi ofisində və filiallarında çalışan əməkdaşlara bu barədə xəbərdarlıq edilib. Bank işçilərinə deyilib ki, işə gəlməsinlər.Xəbərdə iddia edilir ki, Rusiya hüquq-mühafizə orqanları bəzi şəxslərin bu bankdan istifadə ilə çirkli pulları yumağa cəhd etmələrinin üstünü açıb və bu da “Muğan Bank”ın fəaliyyətinin təftişinə səbəb olub.

Xatırladaq ki, qurumun iki əməkdaşı Baş Prokuror yanında Korrupsiyaya Qarşı Mübarizə İdarəsinin əməkdaşları tərəfindən 2011-ci ildə həbs olunmuşdu. “Musavat.com”un məlumatına görə, onların barəsində seçilən həbs qətimkan qərarı sonradan dəyişdirilib və onlar azadlığa buraxılıblar.

Bankın bağlanmasının səbəbləri sırasında son vaxtlar sadalanan ümumi tənqidlərin “Muğan Bank”a da aid olması, həmçinin Azərbaycanda bankların sayının azaldılacağı və qərarların sərtləşdiriləcəyi fonunda növbəti tələblərə cavab verməməsi də göstərilir.

Bankın mətbuat xidmətinin adını açıqlamaq istəməyən əməkdaşı isə açıqlamasında yayılan məlumatın həqiqətə uyğun olmadığını desə də, əlavə sualları cavablandırmadı.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]