Bizimlə əlaqə | Reklam
BolgeXeber.Com » Gündəm » İlham Əliyev Peru və Mərakeş liderlərini təbrik etdi

İlham Əliyev Peru və Mərakeş liderlərini təbrik etdi

26-07-2014, 18:55
Oxunub: 3 745 Azərbaycan Prezidenti İlham Əliyev Mərakeş və Peruya təbrik məktubu ünvanlayıb

Bolgexeber.com xəbər verir ki, bu barədə Prezidentin rəsmi saytı məlumat yayıb. Peru Prezidenti Olyanta Umala Tassoya ünvanlanan təbrik məktubunda deyilir:
"Peru Respublikasının milli bayramı - Müstəqillik günü münasibətilə Sizi və bütün xalqınızı öz adımdan və Azərbaycan xalqı adından təbrik edirəm.
Ümidvaram ki, Azərbaycan-Peru əlaqələrinin genişlənməsi, dostluq və əməkdaşlıq münasibətlərimizin inkişafı yolunda birgə səylərimizi bundan sonra da ardıcıl şəkildə davam etdirəcəyik".
İlham Əliyev Olyanta Umala Tassoya ən xoş arzularını yetirib, dost Peru xalqına əmin-amanlıq və firavanlıq diləyib.
Prezident İlham Əliyevin Mərakeşin Kralı Əlahəzrət VI Məhəmmədə ünvanladığı təbrik məktubunda isə qeyd edilir:
" Mərakeşin milli bayramı - Taxt-tac günü münasibətilə Sizə və Sizin simanızda bütün xalqınıza şəxsən öz adımdan və Azərbaycan xalqı adından ən səmimi təbriklərimi və xoş arzularımı yetirirəm.
Əminəm ki, ölkələrimiz arasında qarşılıqlı hörmət və etimada əsaslanan dostluq və əməkdaşlıq münasibətləri ortaq mənəvi dəyərləri bölüşən xalqlarımızın iradəsinə uyğun olaraq daim möhkəmlənəcək və inkişaf edəcəkdir".
İlham Əliyev VI Məhəmmədə möhkəm cansağlığı və xoşbəxtlik, qardaş Mərakeş xalqına daim sülh və firavanlıq diləyib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]