BolgeXeber.Com » Gündəm » Orxan Zeynalova 17 il verildi-VİDEO

Orxan Zeynalova 17 il verildi-VİDEO

28-07-2014, 16:10

Oxunub: 2 774

Orxan saxlanılan zaman hüquq-mühafizə orqanları tərəfindən vəhşicəsinə döyülüb, ona görə də yanlış ifadə verdiyini söyləyib

Moskva Şəhər Məhkəməsi Azərbaycan vətəndaşı Orxan Zeynalovu ötən ilin oktyabrında Yeqor Şerbakovu qətlə yetirməkdə günahkar bilərək ona 17 il müddətinə azadlıqdan məhrumetmə cəzası kəsib.
Zeynalov cəzasını ciddi rejimli koloniyada çəkməli olacaq. Bundan əlavə, o, öldürülənin atasına 3 milyon rubl məbləğində təzminat ödəməlidir.

Xatırladaq ki, prokuror ona 18 il iş istəmişdi.

O.Zeynalov bir necə gün öncə məhkəmədə ifadəsində Yeqor Şerbakovu qətlə yetirmədiyini söyləyib: “Hadisə baş verən gün Moskvada olmamışam. Həmin gün yaşadığım Kolomno şəhərində idim”.

İlkin istintaqa verdiyi ifadəsini təkzib edən Orxan saxlanılan zaman hüquq-mühafizə orqanları tərəfindən vəhşicəsinə döyülüb, ona görə də yanlış ifadə verdiyini söyləyib.

Çox Oxunanlar