BolgeXeber.Com » Gündəm » Abel Məhərrəmova biabırçı “mükafat”

Abel Məhərrəmova biabırçı “mükafat”

29-07-2014, 15:20

Oxunub: 3 939

“Rüşvət almayan müəllim mükafatını aldığıma görə təəssüf hissi keçirirəm"

Reportyorların Azadlıq və Təhlükəsizlik İnstitutunun ofisində D18 Hərəkatının təşkilatçılığı ilə " İlin rüşvət alan müəllimi", " İlin rüşvət almayan müəllimi" və " İlin avtoritar rektoru" mükafatlarının təqdimat mərasimi keçirilib. Avropa.info xəbər verir ki, tədbirdə ictimaiyyət vəmedia nümayəndələri iştirak ediblər. Tədbirdə ilkin olaraq çıxış edən hərəkatın rəhbəri Ruslan İzzətli bildirdi ki, ölkənin təhsil sahəsində korrupsiyanın miqyası və həcmi böyüdüyünə görə bununla bağlı universitet tələbələri arasında sorğu keçiriblər. Sorğu BDU, ATU, ADNA, Slavyan Universiteti və digər universitet tələbləri arasında keçirildiyini söyləyən Ruslan İzzətli, keçirilən sorğu zamanı, xeyli sayda rüşvət alma halları ortaya çıxdığını deyib. Sorğuya əsasən rüşvət alanlar sırasında müəllimlərdən çox rəhbərlərin əsas yer tutduğunu söyləyən Ruslan İzzətli, rüşvət almayan müəllimlərin də olduğunu qeyd etdi: ”Sorğuya əsasən tələbəni təhqir edərək döydürən BDU-nun rektoru Abel Məhərrəmov ilin ən avtoritar rektoru seçilib. Universitet rektoru avtoritar statusu daşımaması üçün təyinatlı olmamalıdır. Rektorlar nə qədər ki, tələbə və müəllimlərin istəyi ilə seçilməyəcəksə, bir o qədər də özünü ağa kimi hiss eləyəcəklər. Tədbirə dəvət olunan digər müəllimlər işlərini itirmək qorxusundan tədbirə qatılmayıblar. Həmin müəllimlərə digər həmkarları deyirlər ki, nəyə görə bizim universitetdən səni rüşvət almayan kimi, bizi isə rüşvət alan müəllim kimi qələmə verməlidirlər. Rüşvət almayan müəllimlər içərisində Nüşabə xanım bizim dəvəti qəbul edib. Rüşvət almayanlar arasında adı çəkilən müəllimlər çox idi, lakin ən çox adı çəkilən Nüşabə olduğundan mükafata layiq görüldü.” Nüşabə Sadıqlı öz çıxışında mətbuat günü münasibəti ilə mətbuat işçisi olan tələbələrini və qərəzsiz, vicdanlı, əqidəli mətbuat işçilərini təbrik etdi. İctimai qınağın vacib şərt olduğunu, bu prosesin davamlı olmasının zəruriliyini dilə gətirdi: “Rüşvət almayan müəllim mükafatını aldığıma görə təəssüf hissi keçirirəm. Çünki əslində belə bir mükafatın olması cəmiyyətdəki neqativlərdən xəbər verir.”

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]