Bizimlə əlaqə | Reklam
BolgeXeber.Com » Gündəm » Nizamidə şəhidlər Xiyabanı satıldı: Keşlə sakinləri ayağa qalxdı-VİDEO

Nizamidə şəhidlər Xiyabanı satıldı: Keşlə sakinləri ayağa qalxdı-VİDEO

2-08-2014, 10:55
Oxunub: 4 066 Bir qrup Keşlə qəsəbə sakini etiraz aksiyası keçirib

Bolgexeber.com axar.az-a xəbər verir ki, sakinlərin etiraz etməsinə səbəb qəsəbədə yerləşən Şəhidlər Xiyabanının bir hissəsi hesab edilən ərazinin bu sahəyə qonşuluqda yaşayan şəxs tərəfindən zəbt edilməsidir.

Nizami rayon, Keşlə qəsəbəsi, K.Əfkari küçəsi, ev 1E-də yaşayan Elşən Əhmədov qonşuluğunda yerləşən 7 sot torpaq sahəsini öz ərazisinə qatıb.

Qəsəbə sakinləri Elşən Əhmədovun burada mağaza tikəcəyini və bunun şəhidlərin ruhuna hörmətsizlik olacağını bildirirlər. Onların sözlərinə görə, Şəhidlər Xiyabanının bir hissəsi hesab etdikləri bu yerdə mağaza tikilməsi, qapısının isə Xiyabana açılması heç bir məntiqə sığmır. Onların sözlərinə görə, Şəhidlər Xiyabanına doğru olan ərazini öz həyətinə qatan Elşən Əhmədov xiyabana ikinci qapı açmaqla, əslində buranı satmağı planlaşdırır.

Qeyd edək ki, rəsmi sənədlərdə torpaq sahəsi Elşən Əhmədovun oğlu Telman Əhmədovun adına qeydiyyata alınıb. Burada diqqət çəkən məqamlardan biri isə torpağın yaxın vaxtlarda, yəni 17 iyul 2014-cü ildə qeydiyyatdan keçirilməsidir. Torpaq Komitəsinin çıxarışı göstərilsə də, torpaq sahəsinin ayırılması ilə bağlı bələdiyyə və tikinti ilə bağlı İcra Hakimiyyətinin sənədlərini isə sahibkar nədənsə göstərmək istəmədi.

Xatırladaq ki, E.Əhmədovun məşhur “Sərin” restoranının sahibinin qardaşı olduğu da bildirilir.

Ətraflı süjetdə...
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]