Bizimlə əlaqə | Reklam
BolgeXeber.Com » Gündəm » Bakıda sərxoş ata 3 uşağının yaşadığı evi yandırdı-ŞOK

Bakıda sərxoş ata 3 uşağının yaşadığı evi yandırdı-ŞOK

4-08-2014, 09:10
Oxunub: 3 674 Sədi Rəhimov evdə tək olarkən yaşadığı mənzili qəsdən yandıraraq oradan uzaqlaşıb

Bakının Səbail rayonu Arif İsmayılov küçəsində yanğın hadisəsi baş verib. Hadisə zamanı üç uşaq atası 48 yaşlı Sədi Rəhimov evdə tək olarkən yaşadığı mənzili qəsdən yandıraraq oradan uzaqlaşıb.

Alovu görən qonşular dərhal Fövqaladə Hallar Nazirliyinə xəbər verib. Əraziyə cəlb olunan yanğın söndürmə briqadası qısa vaxt ərzində ümumi sahəsi 120 kvadrat metr olan evdə alovun qarşısını alıb. Ətraf tikililər də yanğından mühafizə olunub.

Evinin yanmasından xəbər tutan Sədinin həyat yoldaşı Adilə Rəhimova əraziyə gəlib və ərinin içki aludəçisi olduğunu deyib.

Daha sonra isə hadisə yerinə gələn Sədi Rəhimovun anası ilə Adilə Rəhimova arasında mübahisə də düşüb.

Faktla bağlı Səbail rayon polis idarəsi və Fövqəladə Hallar Nazirliyinin əməkdaşları tərəfindən araşdırma aparılır. Yanğının qəsdən və ya ehtiyatsızlıq səbəbindən baş verməsi isə bu araşdırmalardan sonra məlum olacaq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]