BolgeXeber.Com » Gündəm » Son sutkada Donbasda 15 Ukrayna hərbçisi həlak olub

Son sutkada Donbasda 15 Ukrayna hərbçisi həlak olub

8-08-2014, 17:30

Oxunub: 3 324

Ötən sutka ərazində Ukraynanın şərqində - Donbass bölgəsində gedən qanlı döyüşlərdə 15 Ukrayna hərbçisi həlak olub, 79-u yaralanıb

Bu rəqəmi Ukrayna Təhlükəsizlik və Müdafiə Şurasının İnformasiya Mərkəzinin spikeri Andrey Lısenko açıqlayıb. O bildirib ki, həlak olanlardan 8-i Sərhəd Xidmətinin, 7-si ordunun əsgərləridir.

A. Lısenko ölən və yaralananların sayının çox olmasını uzun müddətdir sərhəddə separatçıların və Rusiya ordusunun mühasirəsində qalan Ukrayna hərbi hissələrinin mühasirəni yarma əməliyyatı ilə əlaqələndirib. Belə ki, Ukrayna Silahlı Qüvvələrinin 72-ci, 79-cu briqadaları və digər hərbi qruplaşmalar 3 günlük ağır döyüşlərdən sonra avqustun 7-də mühasirəni yararaq Donetsk vilayətinin Saur-Mogila yüksəkliyi və Amvrosiyevka yaşayış məntəqəsi ətrafında əsas qüvvələrlə birləşiblər. “Bu əməliyyatın gedişində qüvvələrimiz Rusiya tərəfindən dəfələrlə atəşə tutulub, eləcə də onlar terrorçuların mövqelərini yararaq irəliləyiblər. Desant qüvvələrimiz Uspenka yaşayış məntəqəsi yaxınlığında düşmənlə döyüşə girib. Terrorçuların xeyli canlı qüvvəsi və hərbi texnikası məhv edilib”, - deyə A. Lısenko söyləyib.

Qeyd edək ki, qeyri-rəsmi mənbələr mühasirədən çıxan Ukrayna hərbi birləşmələrinin itkilərinin daha çox olduğunu bildirirlər.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]