Bizimlə əlaqə | Reklam
BolgeXeber.Com » Gündəm » Binəqədi sakinləri “Azəryolservis” ASC-ə qarşı etiraza qalxdılar - VİDEO

Binəqədi sakinləri “Azəryolservis” ASC-ə qarşı etiraza qalxdılar - VİDEO

24-08-2014, 10:00
Oxunub: 3 402 İndi evləri sökülən insanların yeganə ümidi ölkə başçısının çıxaracağı qərara qalıb

Bakının Binəqədi rayonu, Yusifzadə küçəsi 114 ünvanda, Çermet körpüsünün yaxınlığında yaşayan sakinlər evlərinin sökülməsi müqabilində onlara veriləcək konpensasiyanın azlığından narazıdırlar.

Sakinlərin sözlərinə görə, “Azəryolservis” ASC-nin işçiləri heç bir əsas olmadan evləri sökürlər və ev sahiblərinə mənzilin hər kvadratmetrinə görə 900 manat təklif edilir.
Sakinlər isə bu pulla normal bir mənzil ala bilməyəcəklərini deyirlər.

Əhalinin narazılığına baxmayaraq, artıq söküntü işlərinə başlanıb, etiraz edənlər polislər vasitəsilə evdən zorla çıxarılır. Bir neçə gündür ki, ev sahibləri ilə “Azəryolservis” əməkdaşları arasında gərginlik yaşanır.

Evdən çıxmaq istəməyənlərin mənzilini, yaşayış olmasına baxmayaraq, onların başlarına uçururlar. Sakinlər əşyalarını belə evlərdən çıxara bilməyiblər, evləri sökülən insanlara külli miqdarda maddi ziyan dəyib.

Sakinlərdən Babək Allahverdiyev “Azəryolservis” ASC-nin işçiləri ilə mübahisə edərkən yol verilən haqsızlığa dözməyərək özünü doğrayıb.

İndi evləri sökülən insanların yeganə ümidi ölkə başçısının çıxaracağı qərara qalıb. Sakinlər mənzillərinin hər kvadrat metrinə görə ən azı 1500 manat konpensasiya tələb edirlər.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]