Bizimlə əlaqə | Reklam
BolgeXeber.Com » Gündəm » Sumqayıtda sahibkarın etirazı gözlənilir - Narazılıq

Sumqayıtda sahibkarın etirazı gözlənilir - Narazılıq

27-08-2014, 14:30
Oxunub: 4 299 Xəzər Mirzəyevi bir ildir aldadan «Karvan»ın rəhbərliyi ona nə yer verir, nə də vəd etdikləri yeni ticarət mərkəzini tikirlər

Ötən il Sumqayıt şəhərində fəaliyyət göstərən «Karvan» Ticarət Mərkəzinin yanması nəticəsində orada çalışan kiçik iş adamlarına külli miqdarda zərər dəyib. Həmin hadisədən sonra ticarət mərkəzində çalışanları sakitləşdirmək üçün onlara xeyli vədlər verilib. Lakin…

Xəzər Mirzəyev adlı Sumqayıt şəhər sakini yazır ki, onun da başqaları kimi «Karvan»da yeri olub və yanğın zamanı 4500 manat zərər çəkib. O qeyd edir ki, yanğın olayından sonra işləyənlər ayağa qalxaraq, onlara dəyən zərərin ödənilməsini təlb ediblər. Lakin Ticarət Mərkəzinin rəhbərliyi o zaman kiçik tacirləri başından rədd etmək üçün onlara xeyli vədlər veriblər. Elə Xəzər Mirzəyevi bir ildir aldadan «Karvan»ın rəhbərliyi ona nə yer verir, nə də vəd etdikləri yeni ticarət mərkəzini tikirlər.

Sumqayıt sakini bu yaxınlarda etiraz edərək, yeni iş yerinin açılacağını soruşub. Bazar rəhbərliyi də onu sakitləşdirmək üçün bildirib ki, yaxın 2-3 gündə «Karvan»ın inşasına başlanılacaq və qısa müddətdə ona yeni köşk veriləcək.

Apardığımız araşdırmalar zamanı belə məlum olub ki, yanan «Karvan» Ticarət Mərkəzinin yerində, ümumilikdə, Sumqayıt şəhərində belə bir ticarət obyektinin tikintisi həyata keçirilmir. «Karvan»da zərər çəkmiş satıcılara isə ən yaxşı halda ayrı-ayrı Ticarət Mərkəzlərində yer veriləcək.

Daxil olan məlumatda qeyd edilir ki, «Karvan»da çalışanlar yaxın günlərdə yenidən Sumqayıt Şəhər İcra Hakimiyyətinin binası önünə toplaşaraq, haqlarını tələb edəcəklər.
Jam.az
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]