Bizimlə əlaqə | Reklam
BolgeXeber.Com » Gündəm » Hacı İbrahimdən şikayət edən iş adamı Prezident Administrasiyasında oldu

Hacı İbrahimdən şikayət edən iş adamı Prezident Administrasiyasında oldu

27-08-2014, 18:20
Oxunub: 3 461 İki mənzili əlindən alınan və həmin mənzillərə görə ödədiyi 355 min manatı uzun müddətdir “Avesta” Konserninə məxsus “Həsən-96” MTK-dan ala bilmədiyini deyən qazaxlı sahibkar Elşad Məmmədov avqustun 26-da Elşad Məmmədov Prezident Administrasiyasında olub.
Onu öncə Qanunvericilik və hüquq şöbəsinin müdiri Şahin Əliyevin qəbul edəcəyi bildirilsə də, sahibkarı özünü həmin şöbənin əməkdaşı kimi təqdim edən Ayxan Əlməmmədov qəbul edib.
İş adamı “Azadlıq”a açıqlamasında bildirib ki, yaranmış problemlə bağlı üç dəfə PA-da olub. Ona hər dəfə probleminin araşdırılacağını bildirsələr də, vəziyyətlə bağlı irəliləyiş müşahidə olunmur.
Bununla belə, sahibkara növbəti dəfə problemini araşdırıb həll edəcəklərini bildiriblər.
Hazırda yaşamağa yeri olmayan Elşad Məmmədovun sözlərinə görə, onun övladları builki təhsil prosesindən uzaq düşəcək. Belə ki, hazırda evi olmayan sahibkar övladlarını məktəbə qoymağa heç bir imkana sahib deyil.
Onu da qeyd edək ki, bir müddət əvvəl deputat Qənirə Paşayevaya məktub yazan Elşad Məmmədov ondan bir daha onunla görüşməyi və bu haqsızlığı prezident İlham Əliyevə və onun xanımı Mehriban Əliyevaya çatdırmasını xahiş edib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]