Bizimlə əlaqə | Reklam
BolgeXeber.Com » Gündəm » Bakıda iş adamın avtomobilini yandırıb külə döndərdilər - VİDEO

Bakıda iş adamın avtomobilini yandırıb külə döndərdilər - VİDEO

2-09-2014, 09:45
Oxunub: 3 811 Yalnız bir kamera işlək vəziyyətdə qalıb

Bakı sakininin avtomobili naməlum şəkildə yandırılıb.Paytaxt sakini Həsənov Məzahir Ziyadxan oğlu ona məxsus “Mercedes” markalı avtomobilin yandırıldığını iddia edir. Sözügedən avtomobil Məzahir Həsənovun Xətai rayonu, Ramiz Quliyev küçəsi, 4 ünvanlı evindəymiş.

Həsənov özü iş adamıdır və işi ilə əlaqədar Tiflisə də gedib-gəlirmiş. Elə bu hadisədən bir neçə gün əvvələ qədər də Bakıda olmayıb. Gecə avtomobil yanan vaxt isə evdə olsa da, bundan gec xəbər tutub.

Kamera görüntülərindən söz düşmüşkən, zərərçəkənin sözlərinə görə, hadisədən təxminən bir saat əvvəl evin küçəyə və həyətə baxan kameraları söndürülüb. Yalnız bir kamera işlək vəziyyətdə qalıb ki, onun istiqaməti də həyətin tamam başqa tərəfinə imiş. Yanğın söndürüləndən sonra isə yanmış avtomobilin ətrafından pivə şüşəsinin sınıqları tapılıb. Halbuki, ev sahibi ailəlikcə spirtli içkilərdən uzaq olduqlarını vurğulayır.

Əraziyə Xətai Rayon Polis İdarəsinin əməkdaşları da baxış keçirib və zərərçəkən Məzahir Həsənov ifadəsinin alınması üçün idarənin təhqiqat şöbəsinə dəvət olunub.

Hərçənd ki, hadisə yerinə ekspert baxışı keçirilməyib və hər hansı bir nümunə götürülməyib. Zərərçəkmiş ailəni isə indi malının dəyərindən çox öz təhlükəsizliyi narahat edir. Hadisənin düyününün açılması isə aparılan araşdırmaların sonuna qalır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]