Bizimlə əlaqə | Reklam
BolgeXeber.Com » Gündəm » Faiq Ağayevi bıçaqlayan şəxs həbs edilib

Faiq Ağayevi bıçaqlayan şəxs həbs edilib

28-09-2010, 00:55
Oxunub: 7 728
Münaqişədə iştirak edənlərdən biri qız olub

Azərbaycanın xalq artisti Faiq Ağayevi bıçaqlayan şəxs həbs edilib. Bu barədə “Bolgexeber.com”-a Nəsimi rayon Polis İdarəsindən məlumat verilib. Məlumata görə, Bakı şəhər sakini, 1978-ci il təvəllüdlü Rüfət Baba oğlu Məlikov təqsirli şəxs qismində istintaqa cəlb edilib. Polisə verdiyi ilkin ifadəsində Rüfət Məlikov xalq artistini mübahisə zəminində bıçaqladığını etiraf edib. "Orada elə bir yol yox idi ki, mən ona yol verim. Siqnal verdim, əlimi çıxartdım ki, bir dəqiqə, enli yol gələr yol verərəm. Mən özümü müdafiə etmişəm”, - deyə o bildirib.

Müstəntiqin verdiyi məlumata görə, Rüfət Məlikov əvvəllər qəsdən adam öldürmə maddəsinə görə məhkum olunub.

Rüfət Məlikovun ifadəsi əsasında münaqişədə iştirakda şübhəli bilinən digər iki nəfər Seymur Məmmədov və Natəvan Şərifova da istintaqa cəlb edilib. Onların ifadəsi alındıqdan sonra sərbəst buraxılıblar.

Xatırladaq ki, Azərbaycanın xalq artisti Faiq Ağayev və iki cangüdəni bu gün səhər saatlarında bıçaqlanıb. Müğənni saat 7 radələrində 6 bıçaq yarası ilə Kliniki Tibbi Mərkəzə daxil olub. O, kürək nahiyəsindən 4, budundan 1, qarın nahiyəsindən də 1 bıçaq zərbəsi alıb.

Faiq Ağayevin cangüdənləri 33 yaşlı Ramin Bayramov 1, 35 yaşlı Azər Musayev isə 2 bıçaq yarası alıb. Hər iki cangüdənə qarın nahiyələrindən bıçaq xəsarəti yetirilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]