BolgeXeber.Com » Gündəm » Cəlilabadda toydan sonra qısqanclıq üstündə adam öldürdülər

Cəlilabadda toydan sonra qısqanclıq üstündə adam öldürdülər

11-09-2014, 10:15

Oxunub: 3 393

“Evə çağıran kimi onu bıçaqlayıblar. Heç kimi də evə buraxmayıblar ki, qoy ölsün”

Bolgexeber.com-un Daxili İşlər Nazirliyinin mətbuat xidmətinə istinadən verdiyi məlumata görə, sentyabrın 10-da Cəlilabad rayonunun Maşlıq kəndində Elman Həsənov evində qısqanclıq zəminində qonşusu Həbib Şahbazova bıçaqla xəsarət yetirib.
Bıçaqlanan H.Şahbazov hadisə yerində ölüb.
Cəlilabad polis əməkdaşlarının keçirdikləri əməliyyat-axtarış tədbirləri nəticəsində E.Həsənov tutulub.Qeyd edək ki, hadisə baş verməmişdən bir neçə saat əvvəl Həbib avtomobilinə minərək Elmanla birlikdə kənddəki toy məclisinə yollanıblar.
Axşam saatlarında evə qayıdan Həbibin mobil telefonuna Elman zəng vurub. Elman onu evlərinə çağırıb. Elə hər şey də bundan sonra baş verib.
“Evə çağıran kimi onu bıçaqlayıblar. Heç kimi də evə buraxmayıblar ki, qoy ölsün”, — deyə mərhumun əmisi Xeyrulla Şahbazov bildirib
Hadisə yerinə bıçaqlanan şəxsin bacısı, eləcə də, digər qohumları gəldikdən sonra onu hadisə yerindən götürmək mükün olub. Həbib xəstaxanaya çatdırılsa da, onun həyatını xilas etmək mümkün olmayıb.
İlkin ehtimala görə, hadisə şəxsi münasibətlər zəminində baş verib.
Faktla bağlı Cəlilabad rayon Prakurorluğunda Cinayət Məcəllsinin 120.1-ci maddəsilə cinayət işi başlanıb, istintaq davam edir.
Bolgexeber.com

Çox Oxunanlar