Bizimlə əlaqə | Reklam
BolgeXeber.Com » Gündəm » Bakıda qəribə motivili bıçaqlanma

Bakıda qəribə motivili bıçaqlanma

22-11-2011, 13:35
Oxunub: 6 445 Saxlanılan şəxs: "Məni ötüb keçdi, bundan əsəbləşdim".

Bakının Sabunçu rayonunda qəribə motivi olan bıçaqlanma olub. Bakı Şəhər Baş Polis İdarəsindən verilən məlumata görə, noyabrın 18-də naməlum şəxs Maştağa qəsəbəsi, Xanlar küçəsində yaşayan Kamran Kərimovun qarın nahiyəsindən bıçaqla xəsarət yetirib.

Sabunçu rayon Polis İdarəsinin 14-cü polis bölməsi əməkdaşlarının keçirdikləri əməliyyat tədbirləri nəticəsində cinayətdə şübhəli bilinən Bakı şəhər sakini Şəhriyar Abbasquliyev noyabrın 21-də tutulub.

Bıçaqlanmanın qəribəliyi isə hadisənin maşınla ötmə üstündə düşən mübahisə zəminində baş verməsindədir. K.Kərimov idarə etdiyi maşınla Ş.Abbasquliyevin maşınını ötüb. Bu isə Şəhriyara xoş gəlməyib və Kamranı “razborka”ya çağırıb. Mübahisə zamanı Şəhriyar bıçaqla Kamranın qarnına xəsarət yetirib.

Ş.Abbasquliyev ilkin ifadəsində də "Məni ötüb keçdi, bundan əsəbləşdim" deyərək özünə haqq qazandırmağa çalışıb.

Faktla bağlı Cinayət Məcəlləsinin qəsdən sağlamlığa ağır xəsarət yetirmə (126.1-ci) maddəsi ilə cinayət işi başlanıb. Ş.Abbasquliyevin barəsində məhkəmə tərəfindən həbs qəti imkan tədbiri seçilib.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]