Bizimlə əlaqə | Reklam
BolgeXeber.Com » Gündəm » Türmə rəisi və müavini məhbusa bilərəkdən əziyyət verir ?

Türmə rəisi və müavini məhbusa bilərəkdən əziyyət verir ?

20-09-2014, 12:50
Oxunub: 4 067 12 saylı CÇM-də hər şey pulludur. Özbaşınalıq, korrupsiya, qanunsuzluq baş alıb gedir

Şəmkir rayonu Çinarlı qəsəbə sakini Abdullayeva Fatma Əziz qızı tərəfindən Bolgexeber.com -a şikayət məktubu daxil olub.Bolgexeber.com həmin məktubu olduğu kimi təqdim edir:
“Mənim oğlum 12 saylı Cəza Çəkmə Müəssisəsində cəza çəkən məhkum Bayramın həyatı ciddi təhlükə qarşısındadır. Belə ki, 12 saylı CÇM-nin rəisi Rauf Məmmədov, onun müavini Qaçay Aslanov orada korrupsiya şəbəkəsi yaradıblar. Nəticədə imkansız məhkumlar əziyyət çəkirlər. İmkanlı, istənilən pulu verə bilən məhkumlar istədikləri hərəkətləri edə bilirlər, imkansız məhkumlar isə zülm, əziyyət çəkirlər. Rəhbərlik qəsdən oğlumla düşmən olan Elçin adlı məhkumu onunla bir yerə yerləşdirib ki, istədiyi pulu ala bilsin. Şəxsən müavin Qaçay Aslanov oğlum Bayramdan pul istəyib ki, Elçin adlı məhkumu başqa kameraya keçirsin. Ancaq bizim istənilən pulu verməyə heç bir maddi imkanımız yoxdur, pensiyaçıyam. Çox ağır şəraitdə yaşayırıq.
Mən də, oğlum Bayram da Penitensiar Xidmətin rəisi Mədət Quliyevə ərizə ilə müraciət edib, oğlumun Şəki Penitensiar Müəssisəsinə köçürülməsinə kömək etməsini xahiş etmişdik. Ərizəmizə cavab olaraq bildirildi ki həmin müəssisə istifadəyə veriləndə müraciətiniz nəzərə alınacaq. Ancaq Şəki Penitensiar Müəssisəsi istifadəyə verilsə də, oğlum Bayramı oraya köçürmədilər.
Qeyd edim ki, 12 saylı CÇM-də hər şey pulludur. Özbaşınalıq, korrupsiya, qanunsuzluq baş alıb gedir. Bütün bunların başında rəis Rauf Məmmədov və müavin Qaçay Aslanov dayanır. Mən Penitensiar Xidmətin rəisi general Mədət Quliyevdən xahiş edirəm, bizə kömək etsin. Oğlum Bayramın həyatı ciddi təhlükədədir, xahiş edirəm, bizə kömək edin…”.
Şikayətlə bağlı qarşı tərəfi də dinləməyə hazırıq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]