Suya təzə qiymət qoyulur
26-09-2014, 17:55
Oxunub: 1 991
Sənaye, kommunal-məişət və digər məqsədlər üçün Tarif (Qiymət) Şurası tərəfindən müvafiq tarif təsdiq edilməyib
Hesablama Palatası sənaye, kommunal-məişət və digər məqsədlər üçün sudan pullu istifadə xidmətlərinin tariflərinin müəyyənləşdirilməsi ilə bağlı Nazirlər Kabinetinə müraciət edib.
Tarif (Qiymət) Şurasının “Azərbaycan Meliorasiya və Su Təsərrüfatı Açıq Səhmdar Cəmiyyəti tərəfindən göstərilən sudan pullu istifadə xidmətlərinin tarifləri barədə” qərarına əsasən suvarma suyunun hər min kubmetri 0,50 manat, qış otlaq sahələrinə və örüşlərə verilən suyun 1 hektarı üzrə 0,40 manat təsdiq edilib.
Lakin sənaye, kommunal-məişət və digər məqsədlər üçün Tarif (Qiymət) Şurası tərəfindən müvafiq tarif təsdiq edilməyib. Qeyd edilən məqsədlər üçün istifadə edilən suyun tarifləri təsdiq edilmədiyindən "Meliorasiya və Su Təsərrüfatı" ASC-nin yerli strukturları tərəfindən göstərilən sudan pullu istifadə xidmətlərinin tarifləri sərbəst müəyyən edilir ki, bu da mövcud qanunvericilikdə nəzərdə tutulmayıb.
“Meliorasiya və Su Təsərrüfatı” ASC-nin yerli strukturlarında aparılan nəzarət tədbiri zamanı müəyyən edilib ki, bəzi suvarma sistemləri idarələri sudan istifadə edənlər birliklərinin xidmət göstərdiyi ərazilərdən kənarda olan sənaye, kommunal-məişət və digər məqsədlər üçün sudan istifadəçilər ilə birbaşa müqavilə bağlayaraq, onlara hər min kubmetr suya müxtəlif tariflər müəyyən edərək su satışını həyata keçiriblər. Belə vəziyyət respublikanın müxtəlif ərazilərində yerləşən “Meliorasiya və Su Təsərrüfatı” ASC-nin yerli strukturları tərəfindən göstərilən sudan pullu istifadə xidmətlərinin tariflərinin fərqli müəyyən edilməsinə səbəb olmaqla, vahid tarif siyasətinin həyata keçirilməsinə imkan vermir və yerlərdə tariflərin müəyyən edilməsində subyektiv amillərə şərait yaradır. Göstərilənləri nəzərə alaraq, Hesablama Palatası “Meliorasiya və Su Təsərrüfatı” ASC tərəfindən göstərilən sudan pullu istifadə xidmətlərinin tariflərinin (sənaye, kommunal-məişət və digər məqsədlər üçün) Azərbaycan Respublikası Tarif (Qiymət) Şurasında baxılmasını məqsədəuyğun hesab edib (APA).
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 27-04-2024, 18:58 : Bakı metrosunda ölüm baş verib
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər