Bizimlə əlaqə | Reklam
BolgeXeber.Com » Gündəm » İcra başçısı “Bakıxanov bazarı”nı niyə sökdürmədi?

İcra başçısı “Bakıxanov bazarı”nı niyə sökdürmədi?

29-09-2014, 08:30
Oxunub: 3 588 Paytaxtın Sabunçu rayonunda yerləşən Bakıxanov yarmarkasının sökülməsi ertələnib.

Axar.az-ın əldə etdiyi məlumata görə, el arasında “Razin talkuçkası” adlanan ticarət mərkəzinin sahmana salınması və yolun genişləndirilməsi üçün rəsmi qərar hazırlanır. Belə ki, “Azəryolsevis” ASC bu ərazidə tıxacların aradan qaldırılması üçün yolun genişləndirilməsinə qərar verib. Qərar rəsmi qaydada təqdim olunduqdan sonra bazarın yığcamlaşdırılması işləri aparılacaq. Yarmarkanın sahəsindən kənara çıxan, yol üstündə ticarət açanların yeri söküləcək, ticarət mərkəzi səliqə-sahmana salınacaq.

Xatırladaq ki, bir müddət əvvəl Sabunçunun icra başçısı Adil Vəliyev yarmarkanı sökdürməyə qalxsa da, ticarətçilərin etirazından sonra iş dayanmışdı. İcra hakimiyyəti bazarın ətrafında natəmizlik hökm sürdüyünü, yarmarkanın yolu darısqal etdiyini, tıxaclar yaratdığını bildirərək, abadlıq işlərinin davamı kimi bazarı köçürmək niyyətini ortaya qoymuşdu. Amma ticarətçilərin etirazından sonra qərara gəlindi ki, bazar abadlaşdırılsın, yol genişləndirilsin.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]