Bizimlə əlaqə | Reklam
BolgeXeber.Com » Gündəm » Deputatın şadlıq evini genişləndirmək planı məhləni ayağa qaldırdı - ŞİKAYƏT

Deputatın şadlıq evini genişləndirmək planı məhləni ayağa qaldırdı - ŞİKAYƏT

3-10-2014, 15:00
Oxunub: 3 338 Deputat Tahir Süleymanov Şabran rayonu Heydər Əliyev prospekti-2-də yerləşən evlərin sakinlərini ayağa qaldırıb

Bolgexeber.com mia.az-a istinadən xəbər verir ki, buna səbəb Tahir Süleymanovun sözügedən məhəllədə yerləşən «Günel» şadlıq sarayının ərazisini genişləndirmək planıdır.

Məhəllənin 20-dək evinin sakinləri (Mirzəşah Mirzəyev, Arif Məmmədov, Gözəl Şükürova və başqaları) yazır ki, onlar bu ərazidə 20 ildən çoxdur yaşıllıq salıblar: «Amma indi deputat Tahir Süleymanov gəlib, məhəlləmizdə qanunsuz olaraq tikinti işləri aparır. İcra Hakimiyyətindən deyirlər ki, şadlıq sarayının ərazisi genişləndiriləcək. Bizə isə susmağımızın qarşılığında məhəlləmizə uşaq yelləncəkləri və digər istirahət obyekti tikiləcəyini deyirlər».

Şikayətçilər düz evlərinin qarşısı olan ərazinin deputata satılmasına qətiyyən razı deyillər: «Əgər bu ərazi satılırdısa, elə xeyli əvvəl pulunu ödədiyimiz halda, niyə bizim istifadəmizə vermirdilər?

Biz sakinlər ölkə rəhbərliyindən xahiş edirik, təcili tikintiyə müdaxilə edərək dayandırılması məqsədiylə köməklik göstərsinlər».

Məsələ ilə bağlı deputatdan mövqe öyrənmək mümkün olmayıb. Onu və rayon rəhbərliyini dinləməyə hazırıq.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]