Bizimlə əlaqə | Reklam
BolgeXeber.Com » Gündəm » Qurban bayramı 3 fərqli vaxtda keçiriləcək

Qurban bayramı 3 fərqli vaxtda keçiriləcək

4-10-2014, 10:15
Oxunub: 2 773 Hər il olduğu kimi bu il də İslam dünyası qarşıdan gələn Qurban bayramını fərqli vaxtlarda qarşılayacaq

Hər il dal-qabaq olmaqla 2 gündə qeyd edilən bayram bu il 3 fərqli günə təsadüf edir. Belə ki, bəzi ölkələr Qurban bayramını 4, bəziləri 5, bəziləri isə 6 oktyabrda qarşılayacaq və bayram namazı qılacaqlar. Bildirilir ki, Türkiyə, Səudiyyə Ərəbistanı, iraqlı sünnilər, livanlı sünnilər, Fələstin, Suriya, İordaniya, Misir, Əmman, Yəmən, Somali, Bəhreyn, Küveyt, Qətər, BƏƏ, Sudan, Cənubi Sudan, Tunis, Əlcəzair, Liviya, Nigeriya, Qana, Uqanda, Avstriya, İtaliya, Belçika, İsveçrə, Kanar adaları, Fransa, Danimarka, Rusiya, İngiltərə, Cənubi Koreya, Kanada, ABŞ, Latın Amerikası ölkələri və Karibdə Qurban bayramı bu gün (4 oktyabr) qeyd olunacaq.

İran, iraqlı şiələr, livanlı şiələr, Mərakeş, Mavritaniya, Cənubi Afrika, Keniya, Zambiya, Yaponiya, Malazaiya, İndoneziya və Yeni Zellandiyada yaşayan müsəlmanlar Qurban bayramını oktyabrın 5-də qeyd edəcəklər.

Pakistanda və Hindistanda isə Qurban bayramı oktyabrın 6-da keçiriləcək.

Qafqaz Müsəlmanları İdarəsi Azərbaycanda 4 və 5 oktyabr tarixlərini Qurban bayramı günü elan etsə də bayram namazı ölkənin bütün məscidlərində ayın 5-i qılınacaq.

Hicri təqvimə görə, bir ay 29 və ya 30 gündür. Əgər ayın 29-cu günü səmada təzə ay görünməsə həmin təqvim ayı 30 günə tamamlanır və ertəsi gün növbəti ay başlayır. Bu Qurban bayramının 3 fərqli gündə keçirilməsinin səbəbləri barədə isə məlumat verilməyib. ans
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]