BolgeXeber.Com » Gündəm » Banklar regionlarda yaşayanları niyə aşağılayır?

Banklar regionlarda yaşayanları niyə aşağılayır?

4-10-2014, 11:25

Oxunub: 2 722

Azərbaycan Mərkəzi Bankı regionlar üzrə pul-kredit göstəricilərini də açıqlayıb.

Son hesabata görə, kredit qoyuluşunun 83,8 faizi, əmanət qoyuluşunun 92,1 faizi paytaxt Bakının payına düşür. Faiz dərəcələrinə gəlincə isə, kreditlər üzrə Bakıya nisbətən regionlarda baha, əmanətlər üzrə isə olduqca aşağıdır.

Burada əsas diqqət çəkən məqamlardan biri əmanətlər və kreditlər üzrə orta faiz dərəcələrin arasında balansın kəskin şəkildə pozulmasıdır. Xüsusilə, bu fərq regionlarla Bakı şəhəri arasında daha aydın sezilir. Depozitlərlə kreditlərin faiz dərəcələri arasında fərq hətta 5 dəfəyədək yüksəlib.

Analitiklərin fikrincə, bunun əsas səbəblərindən biri regionlar üzrə kredit və depozit qoyuluşlarının, bir sözlə, pul dövriyyəsinin az olmasıdır. Bank sahibləri yerlərdə filialları saxlamaq üçün bahalı kredit siyasəti yürütməyə məcburdurlar.

İqtisadçılar hesab edirlər ki, regionlarda sahibkarlığın zəif inkişafı, işsizlik səviyyəsinin zəif olması, əhalinin gəlirlərinin aşağı olması balansı pozub(bizimyol).

Çox Oxunanlar