Bizimlə əlaqə | Reklam
BolgeXeber.Com » Gündəm » Ramanada evləri su basdı (VİDEO)

Ramanada evləri su basdı (VİDEO)

8-10-2014, 08:50
Oxunub: 4 106 Dünən axşamdan başlayan yağış kiməsə romantik hisslər yaşatdısa, bu bir çoxlarının heç də ürəyincə olmadı.

“Bir az yağış yağanda evlər və padvallar suyun içində olur. Keçmək də mümkün olmur. Səhər getdim qaloş geydim yıxıldım suya” – deyə şikayətçi Manaf İsmayılov qeyd edir.
Manaf Sabunçu rayonu, Ramana qəsəbəsi, Bünyadzadə küçəsinin yüzlərlə sakinindən biridir. Onlari bira araya toplayan isə yağan yağışın ortaya çıxardığı fəsadlardır. Yağış yağan kimi burada küçələr də evlər də su içində qalır. Səbəbsə, sakinlərin özlərinin çəkdiyi kanalizasiya sisteminini tab gətirməməsidir. Həyət -bacalara, küçələrə dolan su sakinləri evlərinə dustaq edir. Əslində evlərdə də yaşamaq mümkün deyil. Çünki çirkab suları zirzəmilərə dolur. Nəm insanları müxtəlif xəstəliklərlə üz-üzə qoyur. Sakinlər deyir ki, biz artıq bu problemi illərdir yaşayırıq.

“Burada dövlət sistemində kanalizasiya sistemi olsa vəziyyət belə olmaz. Uşaqlar məktəbə gedə bilmir. Yaşlılar yıxılırlar. Mənim evim su altındadır”- deyə şikayətçi Ruslan Osmanov bildirib.

Ruslan Osmanovun evinə də baş çəkdik. Doğrudan da vəziyyət ürəkağrıdıcı idi. 3 otaqlı mənzilin zirzəmisinə dolan su döşəməni bərbad vəziyyətə salıb. Nəmişlik divarların da qopub tökülməsinə səbəb olub. Sakinləri daha çox əsəbiləşdirən isə aidiyyatı qurumların laqeyd münasibətidir. Ramana icra nümayəndəsi Əlican Xəlilovla əlaqə saxladıq. Bildirdi ki, qəsəbədə mərkəzləşmiş kanalizasiya sistemi yoxdur. Sakinlər özləri çəkdiyi borulara da qoşulan evlər günbəgün artdığından yağış yağan kimi bu problemlər ortaya çıxır. Kanalizasia sisteminini çəkilməsi üçün layihə hazırlanıb, maliyyə vəsaiti ayrılan kimi qəsəbənini kanalizasiya sistemi yenidən qurulacaq. Görünən odur ki, o vaxta qədər sakinlər çox su altında qalacaq. Çünki hidrometeoroloqlar qarşıdakı günlərdə də yağış olacağından xəbər verir.

“Oktyabrın 8-də küçlü şimal küləyi, gündüz saatlarında tədricən mülayimləşəcək. Və günorta saatlarında mülayim cənub-şərq küləyi ilə əvəz olunacaq. Havanın temperaturu isə gecə saatlarında 15-18 dərəcə arasında dəyişəcək” – deyə hidrometeoroloji proqnozlar bürosunun direktor müavini Gülşad Məmmədova qeyd edib.

Bu isə o deməkdir ki, Ramana qəsəbəsinin, Bünyadzadə küçəsinin sakinləri ya qəsəbədən köçməli ya da özləri dedikləri kimi qış üçün bir neçə uzunboğaz çəkmə tədarük etməlidirlər.ans
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]