BolgeXeber.Com » Gündəm » Bakı restoranlarında “kişi qadağası” - “Oazis”dəki dava dərs olub...

Bakı restoranlarında “kişi qadağası” - “Oazis”dəki dava dərs olub...

8-10-2014, 10:30

Oxunub: 3 439

Bir neçə müddət öncə paytaxtın məşhur “Oazis” restoranında baş verən kütləvi davadan sonra bəzi iaşə obyektlərində qadağaların tətbiqinə başlanılıb.
Xoşagəlməz olayların təkrarlanmaması üçün Bakının tanınmış restoranlarında kişilərin şou-proqramlara qrup halında qatılmasına icazə verilmir. Restoranlar şou-proqramlara yalnız ailəvi və cütlüklərin gəlməsinə razılıq verir.

Məşhur “Ay işığı” restoranında qadağaya belə aydınlıq gətirilib: “Bizdə ancaq ailəvi şənliklərin keçirilməsinə, kollektiv mərasimlərə icazə verilir. Artıq bir neçə vaxtdır biz bu prinsiplə işləyirik. Cütlüklər də bizim qonağımız ola bilərlər. Lakin müdriyyət tərəfindən kişilərin qrup şəkilində hər hansı mərasim keçirməsinə icazə verilmir”.

Bu qadağanın kişilərin spirtli içkilər qəbul edərək qonşu masalarda əyləşən qonaqlara, xüsusən də qarşı cinsin nümayəndələrinə söz atması, xoşagəlməz davranışlara yol verməsi ilə bağlı olduğu qeyd edilir.

Bundan əlavə, istirahət mərkəzlərində müştərilər arasında dava və s. bu kimi xoşagəlməz olayların qarşısını almaq üçün mühafizə xidməti gücləndirilib.

Çox Oxunanlar