Bizimlə əlaqə | Reklam
BolgeXeber.Com » Gündəm » Bakıda maraqlı hadisə: insanlıq ölməyib - FOTO

Bakıda maraqlı hadisə: insanlıq ölməyib - FOTO

20-10-2014, 09:30
Oxunub: 3 773 Bu günlərdə Bakıda maraqlı hadisə olub

Rövşən Rəhimov adlı bir istifadəçi Facebook-da belə məzmunlu status paylaşıb:

"Dünən evə gec çatdım. Binəqədi qəsəbəsində yaşayıram. Qonşularım əsasən məcburi köçkünlərdir. Evimizin yanında parklanma yeri olmadığından maşını qonşu binanın yanında saxladım. Beynimdən fikir keçdi ki, qonşu həyətin sakinlərinin xoşuna gəlməyəcək. Amma yorulmuşdum, həm də gec idi, risk elədim.

Səhər saat 11-də maşına yaxınlaşdım və sizin fotoda gördüklərinizi gördüm: şüşəni sındırıblar, hələ üstəlik, utanmayıb sellofan və skoçla səliqəylə bağlayıblar. Özümdən çıxdım - nə həyasızdırlar, fikirləşdim. Yaxşı ki, bunu edəni iş başında görməmişəm. Yəqin ki, xəstəxanalıq olardı. Neyləyim, həyətdə 200-dək adam yaşayır. Küçənin ortasında qışqırıb söyməyəcəkdim ki!.. Noutbuku yük yerinə atdım. Bunu eləyəni də Allaha tapşırdım.

Maşına oturub mühərriki işə saldım. Şüşələri qaldırdım. ...Hamısı salamatdır!..

Belə yaxşı əməli edən adamdan onun haqqında pis fikirləşdiyim, üstəlik, Allaha tapşırdığım üçün üzr istəyirəm. Sən demə, axşam evə yorğun gələndə pəncərəni açıq saxlamışam, bardaçokda isə mənim üçün vacib olan sənədlər vardı.

Bax mənim belə xeyirxah azərbaycanlı qonşularım var. Sizə də belələrini arzulayıram!" /milli.az/
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]