Bizimlə əlaqə | Reklam
BolgeXeber.Com » Gündəm » Azərbaycanda saxta diplomlu müəllimlərin sayı açıqlandı

Azərbaycanda saxta diplomlu müəllimlərin sayı açıqlandı

3-12-2011, 11:30
Oxunub: 9 674 Misir Mərdanov: “Saxta diplomlu müəllimləri işə götürənlər bu gün Təhsil Nazirliyinin kollegiya iclasında əyləşənlərdir”

Azərbaycanda 455 saxta diplomlu müəllim aşkar edilib. Bunu bu gün Misir Mərdanov jurnalistlərə açıqlamasında söyləyib.

Misir Mərdanov bildirib ki, onların çoxu işdən azad olunub. Onun sözlərinə görə, saxta diplomlu müəllimlərin 260 nəfəri lisenziyası olmayan təhsil müəssisələrinin diplomu ilə işləyənlər, 210 nəfəri xarici ölkələrdə təhsil müəssisələrində təhsil alsalar da, diplomlarını Azərbaycanda leqallaşdırmayanlardır. 11 nəfər özəl təhsil müəssisələrinin arayışı ilə işləyib. Müxtəlif kursların vəsiqələri ilə işləyən müəllimlərin sayı isə 54 nəfərdir.

Təhsil naziri saxta diplomlu müəllimlərin ən çox Goranboy rayonunda aşkarlandığını nəzərə çatdırıb. O qeyd edib ki, saxta diplomlu müəllimlərin çoxu 2000-2007-ci illərdə işə qəbul olunanlardır. Misir Mərdanov onu da vurğulayıb ki, saxta diplomlu müəllimləri işə götürənlər bu gün Təhsil Nazirliyinin kollegiya iclasında əyləşənlərdir: “Bilərəkdən bu addımı atıblar. Çünki məktəb direktoru bilir ki, filankəsin uşağı haranı, hansı təhsil müəssisəsini qurtarıb. Lakin buna baxmayaraq, onu işə götürür...”
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]