Bizimlə əlaqə | Reklam
BolgeXeber.Com » Gündəm » Fizuli Ələkbərovun federasiyasında qalmaqal

Fizuli Ələkbərovun federasiyasında qalmaqal

6-11-2014, 12:20
Oxunub: 3 567 Son vaxtlar Cüdo Federasiyasında axsamaların olması, idmançıların yarışlarda əvvəlki nəticələri göstərməməsi qurum daxilində böyük narazılıqlar yaradıb. Hətta Cüdo Federasiyasının uğursuzluğu rəhbərliyin də qəzəbinə səbəb olub.

Cüdo Federasiyasında maaş etirazı başlayıb. Belə ki, idmançılar iki aydır ki, federasiyadan maaşlarını tələb etsələr də, ala bilmirlər. Maaşların verilməməsinin səbəbi tam olaraq açıqlanmayıb. Onlara yalnız “bu yaxınlarda veriləcək, bir az səbr edin” deyilib.

Əməkhaqlarını ala bilməyən idmançıların isə məşqlərə həvəssiz yanaşdığı qeyd olunur.

Vəziyyətlə bağlı bəzi cüdoçular federasiyanın rəhbəri Fizuli Ələkbərovun özü ilə görüşmək istəyiblər. Ancaq bəzi səbəblər üzündən bu, baş tutmayıb.

Qeyd edək ki, Fizuli Ələkbərov iş adamı kimi tanınıb, nazir təyin olunduqdan sonra isə özünə məxsus “İmprotex Group” şirkətini həyat yoldaşı İradə Ələkbərovanın adına keçirmişdi. Ötən il oktyabrın 22-də Əmək və Əhalinin Sosial Müdafiəsi naziri vəzifəsindən alınan F.Ələkbərov hazırda biznesinin başına keçib. Xatırladaq ki, geniş imkanlara malik “İmprotex Group”in biznes fəaliyyətinə bir sıra sahələr, o cümlədən bahalı yaxtaların satışı, turizm, ölkəyə sərnişin daşımada istifadə olunan avtobusların gətirilməsi də daxildir.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]