Ziya Məmmədovun adamları Qazaxda da narazılıq yaradır
17-11-2014, 16:20
Oxunub: 4 984
«BƏSDİR DƏ, CAMAAT CANA DOYDU...»Ziya Məmmədovun adamları Qazaxda da narazılıq yaradır
Bugünlərdə Qazax rayonundakı kənd marşrutları avtovağzala köçürülüb. Halbuki, hələ sovetlər dönəmindən bu marşrutlar rayon bazarının qarşısından hərəkət edirdilər. Belə olan halda bazara həyətinin malını satmağa aparanlar, alverə gedənlər və bir sıra insanlar kənd marşrutundan düşüb «şəhərarası» nəqliyyata minməli olurlar. Bu da kənd sakinləri üçün 20 qəpik əlavə xərc deməkdir.
Bundan narazı qalan kənd sakinləri avtovağzalda yığışıb problemlərini mətbuat nümayəndələrinə bildiriblər. Onların dediyinə görə, qazandıqları beş-üç manatı da yola tökürlər, dolanışığa bir şey qalmır. Tələb ediblər ki, tezliklə problem həll olunsun.
«CAMAAT YAZIQ NEYLƏSİN?»
Qazax rayon Çaylı kənd sakini Kamal Göşiyev deyib:
«Çaylıdan Qazaxın mərkəzinə 4-5 kilometrdir. 40 qəpiyə gəlib 40 qəpiyə qayıtmaq bizə sərf eləmir. Burada institut tələbələri də var, müəllimlər də, bazar alverçiləri də. O boyda pulu xərcləməyə heç cür razı deyillər. Biri mən özüm. 5 kilo almam var, o da yol pulu ödəyir, çek pulunu ödəyir. Bəs, mən nəylə dolanım? Camaat yazıq neyləsin? Üsyana qalxmaq olmaz. Problem çox böyükdür, lakin maraqlanan yoxdur».
Kənd sakinlərindən Şövkət Mehrəliyeva da Kamal Göşiyevin dediklərini təsdiqləyib:
«Sualım odur ki, marşrutları niyə belə eləyiblər? Qabaqkı kimi işləməyi lazımdır bizə. Marşrut getsin bazarın qabağına. Hərə bir manat qazanır, bazardan satdığı ayın-oyundan, onu da yola verir. Bəs, nəylə yaşayacaq camaat? Necə dolanacaq? Bu qərarı verənlər heç bunu düşünüblər?»
Qazax rayon sakini Seyfəddin Cəfərov isə deyib ki, elə bil məmurlar üçün işləyirlər:
«BƏSDİR DƏ, CAMAAT CANA DOYDU...»
«Mən yüz manat maaş alıram. O da məmurlar tərəfindən mədəni şəkildə talanır. Kasıb ailənin oğluyam. Bu nədir? 40 qəpik burda ver, 40 qəpik orda ver. Özüm kamaxozda işləyən adamam. Fəhlə işləyirəm. Əllərimi qabar tutub. Elə bunu belə eləyən idilər, maaşı da artıraydılar. Bu nədir camaatın başına oyun açırlar? «Qazel»in içi dolu camaatdı, orda saxla, burda saxla... Bəsdi də, camaat cana doydu...»
«AVTOBUSLARIN BAZARIN QARŞISINDA DAYANMSI, TIXACA SƏBƏB OLUR»
Məsələ ilə bağlı Qazax rayon Avtovağzalının rəisi Eyvaz Vəliyev də danışıb. O deyib ki, bu məsələ çoxdan olmalı idi. «Bizim avtovağzalımız var və bütün avtobuslar burda dayanmalıdır. Avtobusların bazarın qarşısında dayanmsı mərkəzi küçələrdə tıxaclara səbəb olur»
Çox Oxunanlar
- 7-06-2025, 17:45 : Türkiyədə güclü meşə yanğını olub
Dünya / Xəbərlər - 21-06-2025, 17:51 : İran təcili çağırış etdi
Dünya / Xəbərlər - 4-06-2025, 14:06 : Bərdə rayon İcra Hakimiyyəti başçısının Qaradağlı kəndində səyyar qəbul-görüşü keçirilib
Bölgə / Xəbərlər - 11-06-2025, 17:31 : Boksçumuz doğum günündə uğur qazandı
İdman / Xəbərlər - 5-06-2025, 13:32 : Röyanın keçmiş ərindən çağırış- BARIŞDIRIN
Şou-Biznes / Xəbərlər - 5-06-2025, 12:59 : "Neftçi" yeni transferini edib
İdman / Xəbərlər - 28-06-2025, 18:23 : Azərbaycan Pakistana başsağlığı verdi
Siyasət / Xəbərlər - 7-06-2025, 15:38 : Məşhur futbolçu "İnter" də- Rəsmi
İdman / Xəbərlər - 9-06-2025, 14:55 : Yasda ehsan verilməsi ləğv olundu
Sosial / Bölgə / Xəbərlər - 9-06-2025, 14:14 : Ən yaxşı futbolçu titulunu o qazandı
İdman / Xəbərlər
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!
Azərbaycan Respublikası, Bakı şəhəri
(+99470) 600 50 01
(+99450) 229 29 20
(+994 70) 734 50 00
