BolgeXeber.Com » Gündəm » Bakıda həyətdən meyid tapıldı

Bakıda həyətdən meyid tapıldı

16-12-2014, 20:10

Oxunub: 2 544

Bakıda yaşayış evinin həyətindən torpağa basdırılmış meyit tapılıb.

Sabunçu Rayon Polis İdarəsindən verilən məlumata görə, hadisə Ramana qəsəbəsi Şuşa şəhərciyində qeydə alınıb. Qəsəbədəki evlərdən birinin həyətyanı sahəsində torpağa basdırılmış kişi meyidi aşkarlanıb.

Hadisə yerinə polis və prokurorluq əməkdaşları gediblər. Hadisənin kimin tərəfindən və hansı şəraitdə törədildiyi hələlik məlum deyil. Araşdırma aparılır. İlkin baxış zamanı cəsədin basdırılmazdan əvvəl soyuducuda saxlanıldığı məlum olub.

Bakıda yaşayış evinin həyətində meyiti tapılan şəxsin kimliyi müəyyənləşib. Sabunçu Rayon Polis İdarəsindən verilən məlumata görə, aparılan zəruri əməliyyat tədbirləri nəticəsində meyiti tapılan şəxsin 1988-ci il təvəllüdlü Əli Səfər oğlu Seyidov olması məlum olub. Ə. Seyidov itkin düşmüş şəxs kimi axtarışda olub.

Hazırda faktla bağlı araşdırmalar aparılır və müvafiq ekspertizalar təyin edilib.

Bolgexeber.com

Çox Oxunanlar