BolgeXeber.Com » Gündəm » Yüz minlərlə manatı götürüb yoxa çıxan üç qadın tutuldu

Yüz minlərlə manatı götürüb yoxa çıxan üç qadın tutuldu

11-02-2015, 13:30

Oxunub: 3 403

Bu şəxslər xeyli sayda insandan işə düzəltmək adı ilə 800-1500 manat arasında pul alıblar

Mingəçevir, Qazax və Bərdədə yüzlərlə insanı aldadaraq onlardan işə düzəltmək adı ilə pul alan, daha sonra da aradan çıxan üç qadın tapılıb.

Bolgexeber.com virtualaz.org-a istinadən xəbər verir ki, həmin qadınlar dünən axşam saatlarında saxlanılıblar.

Mingəçevir, Qazax və Bərdədə insanlardan pul alaraq onları kurslara, uşaqlarını isə uşaq bağçalarına düzəltmək adı ilə pul alan Pərvanə Tağıyeva, Ülkər Sanılı və Vüsalə Mahmudova dünən axşam Mingəçevirdə saxlanılıblar. Onlar hazırda polis şöbəsində dindirilir.

Xatırldadaq ki, Mingəçevir, Bərdə və Qazaxda hazırlıq kursları, uşaq bağçaları açan bu şəxslər xeyli sayda insandan işə düzəltmək adı ilə 800-1500 manat arasında pul alıblar. Lakin sonradan ya bu şəxslər işə götürülməyib, ya da işə götürülənlər maaşlarını ala bilməyiblər.

Qeyd edək ki, onlar təhsil mərkəzlərini və uşaq bağçalarını “T-Group” Tədris Mərkəzi adı altında açıblar.

Çox Oxunanlar