Bizimlə əlaqə | Reklam
BolgeXeber.Com » Gündəm » Azərbaycanın heç yerində belə məktəb yoxdur - (Fotolar)

Azərbaycanın heç yerində belə məktəb yoxdur - (Fotolar)

14-02-2015, 09:35
Oxunub: 4 007 "Biz neçə illərdir belə keçirik dərsləri”

Qazax rayonunun Abbasbəyli kənd ibtidai məktəbi qəzalı vəziyyətdədir. Sərhəd kəndi olan Abbasbəyli vaxtaşırı atəşə də məruz qalır. Məktəbin yerləşdiyi ərazi Ermənistan ordusu postlarının açıq hədəfindədir.1970-ci ildə tikilən bu ilkin təhsil ocağında cəmi iki sinif var. Burada vur-tut 11 şagird oxuyur.Sinfin biri 1-ci və 3-cü, digəri 2-ci və 4-cü sinifdə oxuyanların ixtiyarına verilib. Onlar növbə ilə oxuyurlar. Döşəmə və tavanı çürüyüb dağılan bu siniflərin yağışlı-yağmurlu havalardakı halını təsəvvür etmək çətin deyil...

"Azadlıq" radiosunun müxbiri ilə danışan kənd sakinləri son illər ölkədə yeni məktəblərin tikildiyini, köhnə binaların təmir edildiyini deyir, amma bu kənd məktəbinin niyə yada düşmədiyinə təəccüblənirlər.

İki sinif otağından biri

Məktəbin direktoru Günəş Əliyeva başqa bir çətinliyə diqqət çəkir: “Məktəb əlverişsiz yerdədir deyə elə olur uşaqları tənəffüsə də buraxmırıq ki, birdən Ermənistandan atılan güllə ona dəyər. Eyni otaqda iki sinfin birlikdə dərs keçməsinə gəlincə isə bu, komplektləşdirilmiş bir sistemdir. Biz neçə illərdir belə keçirik dərsləri”.

Qazax Rayon Təhsil Şöbəsi məktəbin durumundan xəbərdardır. Şöbə müdiri Əhməd Dərgahquliyevin sözlərinə görə, Abbasbəyli ibtidai məktəbi 2015-ci ildə təmir olunacaq.
Bolgexeber.com
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]