Bizimlə əlaqə | Reklam
BolgeXeber.Com » Gündəm » Bu gün prezident İlham Əliyevin 50 yaşı tamam olur

Bu gün prezident İlham Əliyevin 50 yaşı tamam olur

24-12-2011, 18:05
Oxunub: 6 213 Ölkə rəhbəri adgününü səngərdə qeyd edir

Ölkə prezidenti İlham Əliyevin bu gün ad günüdür. İ.Əliyevin 50 yaşı tamam olur. İlham Heydər oğlu Əliyev 1961-ci il, dekabr ayının 24-də Bakıda anadan olub. Moskva Dövlət Beynəlxalq Münasibətlər İnstitutunu bitirdikdən sonra institutun aspiranturasına qəbul edilib. 1985-ci ildə dissertasiya müdafiə edərək tarix elmləri namizədi elmi dərəcəsi alıb.

1985-1990-cı illərdə Moskva Dövlət Beynəlxalq Münasibətlər İnstitutunda müəllim işləyib.
1991-1994-cü illərdə özəl biznes sahəsində çalışıb. Bir sıra istehsal-kommersiya müəssisələrinə rəhbərlik edib.
1994-cü ildən 2003-cü ilin avqust ayınadək Azərbaycan Respublikası Dövlət Neft Şirkətinin vitse-prezidenti, birinci vitse-prezidenti olub.
1995-2000-ci illərdə Milli Məclisin deputatı seçilib. 2003-cü ildə Azərbaycan Respublikasının baş naziri vəzifəsinə təyin edilməsi ilə əlaqədar olaraq deputat səlahiyyətlərinə xitam verilib.
2001-2003-cü illərdə Avropa Parlament Assambleyasında (AŞPA) Azərbaycan Respublikası Milli Məclisinin nümayəndə heyətinin rəhbəri olub.
2003-cü ildən Azərbaycan Respublikasının prezidenti vəzifəsini icra edir.
Azərbaycan, rus, ingilis, fransız və türk dillərini bilir.
Ailəlidir. Üç övladı, 2 nəvəsi var.


“Azərbaycan Prezidenti İlham Əliyev ad gününü Qarabağda cəbhə bölgəsində keçirəcək”. APA-nın xəbərinə görə, bunu Prezidenti Administrasiyası İctimai-siyasi məsələlər şöbəsinin müdiri Əli Həsənov deyib.

Şöbə müdiri bildirib ki, bəzi kütləvi informasiya vasitələrində Prezidentin öz yubileyini təmtəraqlı şəkildə qeyd edəcəyi ilə bağlı məlumatların heç bir əsası yoxdur: “Prezident İlham Əliyev bu gün Qarabağ bölgəsində keçirilən tədbirlərdə iştirak edir və orada da yalnız öz ailə üzvləri ilə ad gününü – yubileyini qeyd edəcək”.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]