BolgeXeber.Com » Gündəm » Azərbaycanda tükürpədici qətl

Azərbaycanda tükürpədici qətl

12-10-2010, 13:15

Oxunub: 6 904

Qardaş qardaşın üzərindən "Kamaz"la keçdi

Azərbaycanın Tovuz rayonunda dəhşətli qətl hadisəsi baş verib. Rayon Prokurorluğundan verilən məlumata görə, Çeyrançöl düzündə Aşağı Ayıblı kənd sakini 35 yaşlı Müşfiq Nağıyev mübahisə zəminində qardaşı Şaiq Nağıyevi qətlə yetirib.

Müşfiq qətli ağlasığmaz amansızlıqla törədib. Belə ki, bu gecə M.Nağıyevlə qardaşı arasında mübahisə düşüb. İki qardaş arasında mübahisə davaya çevrilib. Müşviq Şaiqi döyüb və bununla ürəyi soyumayaraq ağlasığmaz əmələ əl atıb. O, Şaiqi yerə uzadaraq "Kamaz"la üstündən keçib. Şaiq hadisə yerində dünyasını dəyişib.

Hadisə yerinə gələn hüquq-mühafizə orqanlarının əməkdaşları da gördükləri mənzərədən dəhşətə gəliblər.

Faktla bağlı Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb, istintaq aparılır.

Çox Oxunanlar