BolgeXeber.Com » Gündəm » Bakıda kütləvi insan tələfatının qarşısı alındı

Bakıda kütləvi insan tələfatının qarşısı alındı

10-01-2012, 17:10

Oxunub: 4 433

Dünən axşam saatlarında Yasamal rayonu Dadaş Bünyadzadə 12 ünvanında yanğın baş verib.

Bolgexeber.com xəbər verir ki, binalardan birində elektrik lövhəsi alışıb. Hadisənin baş verdiyi binanın sakini Valeh Abdullayevin sözlərinə görə, bunadək orada bir neçə qısaqapanma olub və sakinlər tikinti şirkətindən lövhədəki naqillərin daha keyfiyyətlilərilə əvəzlənməsini istəyiblər:

"Yanğın başlayan kimi tüstü mənzilimizə doldu. Binada 2 odsöndürən olsa da, onlar işlək vəziyyətdə deyil. Qonşular özləri əllərindən gələni edərək yanğını söndürdülər. Bir qədər sonra yanğınsöndürənlər də gəldilər. Nəfəs almaq mümkün deyildi. Bu üzdən evlərimizi tərk etməli olduq".

Fövqəladə Hallar Nazirliyinin Yasamal rayon Yanğından Mühafizə Bölməsi hadisəni şərh etməkdən imtina edib.

Çox Oxunanlar