Bizimlə əlaqə | Reklam
BolgeXeber.Com » Gündəm » Binəqədi Hərbi Komissarlığında yoxlama

Binəqədi Hərbi Komissarlığında yoxlama

18-01-2012, 11:20
Oxunub: 5 683 Hərbi Prokurorluq əməkdaşları bir həftədir araşdırma aparır

Binəqədi Hərbi Komissarlığında bir həftədir Hərbi Prokurorluğun əməkdaşları araşdırma aparırlar. Bu barədə məlumatı TİA.AZ saytına Hərbi Komissarlıqdakı mənbə məlumat verib. Həmin məlumatda deyilir ki, yoxlamanın əsas səbəbi xeyli sayda şikayətin olmasıdır.

Çatan məlumatlarda vurğulanır ki, Hərbi Prokurorluğun belə bir yoxlama aparmasının əsas səbəbi təkcə şikayət məktubları deyil, həmçinin korrupsiya faktları ilə də bağlı ola bilər. Mənbənin bildirdiyinə görə, indiyə qədər aparılan araşdırmalar zamanı bir neçə neqativ hal üzə çıxarılıb və bununla bağlı istintaq aparıla bilər.

Bəzi iddialara görə isə sonuncu hərbi çağırış zamanı Binəqədi Hərbi Komissarlığı bir neçə gəncin hərbi xidmətdən yayındırılmasını həyata keçirib. Bu məlumatın nə qədər doğru olub olmadığını araşdırmaq üçün Binəqədi Hərbi Komissarlığı ilə əlaqə saxlamağa çalışdıq. Lakin rəhbərlikdən heç kimlə telefon bağlantısı yarada bilmədik.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]