Bizimlə əlaqə | Reklam
BolgeXeber.Com » Gündəm » Buzlaşması ilə əlaqədar 35 nəfər travma alıb

Buzlaşması ilə əlaqədar 35 nəfər travma alıb

30-01-2012, 11:20
Oxunub: 5 626 Bakı yollarının buzlaşması ilə əlaqədar 35 nəfər travma alıb

Bakıda yolların buzlaşması ilə əlaqədar indiyədək 35 nəfər sürüşmə nəticəsində müxtəlif dərəcəli travma alıb.

Bakı Şəhər Təcili və Təxirəsalınmaz Tibbi Yardım Stansiyasının baş həkimi Mürsəl Həmidov bazar ertəsi Trend-ə deyib ki, sürüşmə nəticəsində yanvarın 28-də 24 nəfər travma alıb, onlardan 23-ü xəstəxanaya çatdırılaraq yardım göstərilib. Yanvarın 29-dan indiyədək isə sürüşmə nəticəsində 11 nəfər travma alıb. Onlardan 7-si xəstəxanaya çatdırılıb. Sürüşmə nəticəsində insanlarda əsasən sınıq, çıxıq, əzilmə olub.

"Xəstəxanaya yerləşdirilənlərin bəziləri ilkin tibbi yardım göstərildikdən sonra evə buraxılırlar", - baş həkim qeyd edib.

O əlavə edib ki, yanvarın 28-nə nisbətən 29-da təcili tibbi yardım stansiyalarına daha çox müraciət daxil olub. Yanvarın 28-də təcili tibbi yardım stansiyalarına 1313 çağırış daxil olduğu halda, yanvarın 29-da çağırışların sayı 1435-ə çatıb. Çağırışların sayının artması havanın soyuması və yanvarın 29-da ambulator poliklinikanın işləməməsi ilə əlaqədardır.

Hazırda adi rejimdə fəaliyyət göstərdiklərini deyən Həmidov bildirib ki, ümumilikdə yanvarın 28 və 29-da qeydə alınan çağırışların sayı digər günlərlə müqayisədə də elə də çox hesab edilə bilməz. Baş həkimin sözlərinə görə, adətən, gün ərzində orta hesabla 1300-1500 çağırış olur, istirahət günlərində çağırışların sayı hətta 1600-ə çatır.
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]