BolgeXeber.Com » Gündəm » Bakıda qaz kəmərində güclü partlayış baş verdi

Bakıda qaz kəmərində güclü partlayış baş verdi

8-02-2012, 11:10

Oxunub: 3 746

Güclü külək bu gün səhər 05 radələrində Bakının Qaradağ rayonu ərazisində qaz kəmərində partlayışa səbəb olub

Bolgexeber.com-un məlumatına görə, hadisəyə yüksək gərginlikli elektrik xətlərinin güclü külək nəticəsində qoparaq qaz kəmərinin üzərinə düşməsi səbəb olub. Partlayış Sahil qəsəbəsi 720 millimetrlik Qaradağ-Daşgil qaz kəmərində meydana gəlib. Hadisə nəticəsində güclü alov yüksəlib.

Əraziyə Fövqəladə Hallar Nazirliyi və Azərbaycan Respublikası Dövlət Neft Şirkətinin, eləcə də digər aidiyyəti qurumların əməkdaşları gəliblər. Yanğının qarşısını almaq üçün qaz kəməri birbaşa yataqdan bağlanıb.

Hadisə hər hansı xəsarətə yol açmasa da, ətraf qəsəbələrin qazla təminatına təsir göstərib. Bunu əraziyə baxış keçirən “Azəriqaz” səhmdar cəmiyyətinin əməkdaşları da təsdiqləyiblər. Ancaq bununla belə, digər alternativ qaz kəmərləri vasitəsilə ətraf qəsəbələrə qazın verilişi qismən bərpa edilib. Partlayış baş verən Qaradağ-Daşgil qaz kəmərinin də tez bir zamanda bərpa edilməsi üçün tədbirlər görülür.

Çox Oxunanlar