Daha bir hərbi komissarın məhkəməsi başlayır
27-02-2012, 12:55
Oxunub: 4 298
Binəqədi rayon hərbi komissarı və komissarlığın digər vəzifəli şəxsləri barəsində cinayət işinin istintaqı yekunlaşıb
Bakının Binəqədi rayon hərbi komissarı və komissarlığın digər vəzifəli şəxsləri barəsində başlanmış cinayət işinin istintaqı yekunlaşıb. Bakı Hərbi Məhkəməsindən Bolgexeber.com-a verilən məlumata görə, Respublika Hərbi Prokurorluğunda istintaqı başa çatdırılan Binəqədi rayonunun sabiq hərbi komissarı Feyzi Ağabəyov və komissarlığın digər vəzifəli şəxslərinin cinayət işinin materialları baxılması üçün məhkəməyə daxil olub. Cinayət işi yaxın günlərdə məhkəmə icraatına veriləcək.
Qeyd edək ki, F. Ağabəyov 2011-ci ildə korrupsiya faktı ilə əlaqədar tutulub. O, rüşvət almaqda təqsirli bilinir.
Azərbaycanın hərbi prokuroru Xanlar Vəliyev ötən ilin yekunları ilə bağlı keçirilən kollegiya iclasında bildirib ki, 2011-ci ildə Respublika Hərbi Prokurorluq orqanları korrupsiya və rüşvətxorluq hallarına qarşı mübarizə sahəsində müvafiq işlər görərək 84 fakt üzrə cinayət işi başlayıb. Respublika Hərbi Prokurorluğu tərəfindən hərbi komissarlıqlarda aparılmış yoxlamalar nəticəsində bir sıra hallarda çağırışçıların hərbi xidmətə çağırışdan əsassız azad edilmələri, onlara hərbi həkim komissiyalarının rəyinə əsasən qanunsuz möhlət verilməsi və çağırışçıların valideynlərindən rüşvət alınması ilə bağlı respublikanın bir neçə rayonun hərbi komissarları barəsində CM-nin 311.1-ci (rüşvət alma), 313-cü (vəzifə saxtakarlığı), 341.1-ci (hakimiyyətdən sui-istifadə etmə) maddələri ilə cinayət işləri başlanıb. Həmin cinayət işlərindən Bakı şəhər Suraxanı, Xətai rayon hərbi komissarlıqları, həmçinin Cəlilabad və Ağdam rayon hərbi komissarlıqlarının vəzifəli şəxsləri barəsində aparılan cinayət işləri üzrə ibtidai istintaq yekunlaşaraq baxılması üçün aidiyyəti üzrə məhkəmələrə göndərilib.
Xatırladaq ki, hazırda Bakı Hərbi Məhkəməsində Sumqayıt şəhərinin sabiq hərbi komissarı Samir Məmmədov, hərbi komissarlığın II bölməsinin rəisi Fəxrəddin Əliyev, komissarlığın hərbi həkim komissiyasının sədri Mirnazir Muxtarov, IV bölmə rəisinin köməkçisi Azər Xaliqovun, habelə Suraxanı rayonunun sabiq hərbi komissarı Təvəkkül Ağayev, hərbi komissarlığın 2-ci bölməsinin rəisi Murad İbrahimov, komissarlığın 4-cü bölməsinin rəisi Tale İbrahimov, 2-ci bölmənin müfəttişi Mərbud Məmmədov, hərbi həkim komissiyasının sədri Aslan Əliyev və vətəndaş Boris Abbasovun məhkəməsi gedir.
Çox Oxunanlar
- 30-03-2024, 18:40 : Kəlbəcərdə silah- sursat aşkarlandı
Xəbərlər / Ölkə
- 6-04-2024, 16:31 : İlham Əliyev sərəncam imzaladı
Siyasət / Xəbərlər
- 13-04-2024, 17:21 : "20 Yanvar" faciəsinin şahidi sökülür?
Xəbərlər / Ölkə
- 28-03-2024, 13:36 : Məktəblərə işə qəbul üzrə təkrar müsahibə keçiriləcək
Xəbərlər / Ölkə
- 20-04-2024, 17:53 : Bu avtobuslardan istifadə edənlərin NƏZƏRİNƏ
Xəbərlər / Ölkə
- 10-04-2024, 15:42 : Misir Mərdanovun səhhətində problem yarandı
Xəbərlər / Ölkə
- 9-04-2024, 17:54 : Türkiyədə ən çox dinlənilən qadın müğənni oldu
Şou-Biznes / Xəbərlər
- 4-04-2024, 18:59 : Əli Əsədov Konqo prezidenti ilə görüşdü
Siyasət / Xəbərlər
- 13-04-2024, 15:52 : “WhatsApp” işlədənlərin NƏZƏRİNƏ - Bunu etmək mümkün olacaq
Xəbərlər / Ölkə
- 6-04-2024, 16:28 : Rəsmi Bakıdan İrəvana cavab
Siyasət / Xəbərlər