BolgeXeber.Com » Gündəm » Bakıda dəhşət: 14 yaşlı qız gizli əməliyyatla uşaq dünyaya gətirdi

Bakıda dəhşət: 14 yaşlı qız gizli əməliyyatla uşaq dünyaya gətirdi

2-03-2012, 13:35

Oxunub: 7 381

Bakıda yeniyetmə qızın hamilə qalması və gizli olaraq uşaq dünyaya gətirməsi müəyyən edilib.

Bolgexeber.com bildirir ki, hüquq-mühafizə orqanlarından Lent.az-a verilən məlumata görə, aparılmış əməliyyat tədbirləri nəticəsində Bakının Qaradağ rayonunda, Sahil qəsəbəsində yaşayan 1997-ci il təvəllüdlü B.M.-nın keçən il nikah münasibətində olmadığı bir şəxsdən hamilə qalması müəyyənləşdirilib.

Məlum olub ki, hazırda Sahil qəsəbəsində yaşayan və orta məktəbin 8-ci sinfində oxuyan B.M. müəmmalı şəkildə hamilə qalıb. Bu il yanvar ayının 13-də o ev şəraitində, qeysər üsulu ilə ana olub. 14 yaşlı qızı evə dəvət edilmiş həkim əməliyyat edib.

Lent.az-a verilən məlumatda bildirilir ki, B.M. məsələ ilə bağlı sorğu-sual edilib. O, keçən il Tural adlı oğlanla tanış olduğunu və vaxtaşırı olaraq həmin şəxsin evində görüşdüklərini deyib. Qız bildirib ki, bir müddət sonra cinsi münasibətdə olarkən onun bakirəliyi pozulub. Daha sonra isə hamilə qaldığı məlum olub. Yeniyetmələrin yaşları rəsmi nikaha girməyə kifayət etmədiyindən ailələr məsələni gizli saxlamağa çalışıblar. Lakin əməliyyatçılar olayın izinə düşüblər. Artıq 14 yaşlı qızın hansı həkim tərəfindən qeyri-qanuni əməliyyat edilməsi və sair məqamlar da aydınlaşdırılıb.

Araşdırmalar davam etdirilir. Yetkinlik yaşına çatmayan qızla cinsi münasibətdə olan şəxsin və qanunsuz qeysər əməliyyatı keçirən həkimin məsuliyyətə cəlb ediləcəyi istisna edilmir.

Çox Oxunanlar

Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00

[email protected]