BolgeXeber.Com » Gündəm » Kürdəmirin icra başçısının başının üstündə qara buludlar dolaşır-Qohumu olan aparat rəhbəri tutuldu

Kürdəmirin icra başçısının başının üstündə qara buludlar dolaşır-Qohumu olan aparat rəhbəri tutuldu

27-10-2015, 14:07
Oxunub: 2 618 Kürdəmirin icra başçısının başının üstündə qara buludlar dolaşır-Qohumu olan aparat rəhbəri tutulduNazirliyin aparat rəhbəri tutuldu, kabineti möhürləndi

Milli Təhlükəsizlik Nazirliyi ətrafında baş verən olaylarla bağlı həbslər davam edir.
Bolgexeber.com-a daxil olan xəbərə görə, Rabitə və Yüksək Texnologiyalar Nazirliyinin aparat rəhbəri Vidadi Zeynalov da həbs olunub. Bu barədə bizi bilgiləndirən şəxs deyib ki, aparat rəhbərinin kabineti möhürlənib. V.Zeynalovun evində və bağında axtarış aparıldığı bildirilir.

Qeyd edək ki, V.Zeynalovun həbsinin sabiq milli təhlükəsizlik naziri Eldar Mahmudovun yaxın qohumu, Bakı Telefon Rabitəsi İstehsalat Birliyinin rəhbəri Beytulla Hüseynovla əlaqəli məsələ olduğu söylənilir.Kürdəmirin icra başçısının başının üstündə qara buludlar dolaşır-Qohumu olan aparat rəhbəri tutuldu

Məsələylə bağlı Rabitə və yüksək texnologiyalar nazirinin müşaviri Müşfiq Əmirovla əlaqə saxladıq. M.Əmirov hazırda işdə olmadığını, bu barədə məlumatsız olduğunu bildirib.

V.Zeynalovun qəbul otağına etdiyimiz zənglərə isə cavab verən olmadı.

Yeri gəlmişkən, qeyd edək ki, V. Zeynalov Azərbaycanın ən varlı şəxslərindən biri hesab olunur.
Onun qardaşı Vahid Zeynalov MTN-in Tədris Mərkəzinin rəisidir. Onların yaxın qohumu Ceyhun Cəfərov isə Kürdəmir rayonunun icra başçısıdır. Bu saatlarda Bolgexeber.com-a daxil olan yeni məlumata məhz qohumluq əlaqəsinə görə icra başçısı Ceyhun Cəfərovun da yaxın zamanlarda cəzalancağı bildirilir. Mənbə onu da qeyd edir ki, icra başçısının vəzifədən kənarlaşdırılması haqda qərarın çıxarılacağı gözlənilir.Verilən digər məlumata görə isə bu gün rayonda qəbul günü olmasına baxmayaraq başının üstündə “qara buludların” əmələ gəlməsini görən Kürdəmirin icra başçısı əlac tapmaq üçün bütün işlərini atıb təcili olaraq Bakıya üz tutub.
Bolgexeber.com