Bizimlə əlaqə | Reklam
BolgeXeber.Com » Gündəm » Qobustan həbsxanasında 50 manat rüşvət istəyirlər?

Qobustan həbsxanasında 50 manat rüşvət istəyirlər?

30-03-2012, 11:25
Oxunub: 5 431 Məhbuslardan birinin yaxını görüş otağı almaq üçün Rəsul adlı nəzarətçinin qiymət müəyyənləşdirdiyini deyir

Qobustan həbsxanasında məhbuslarla görüşmək istəyən ailələri əziyyət və tələblərlə üzləşirmişlər. Bu barədə tia.az-a məhbus valideynlərindən biri məlumat verib. O bildirib ki, həbsxanada onlardan heç bir səbəb göstərmədən pul tələb ediblər.

Övladını həbsxanada incidəcəklərindən ehtiyat etdiyi üçün adının açıqlanmasını istəməyən həmin şəxs bildirib ki, əgər onlardan tələb olunan pulu verməsələr, yaxınları ilə görüş əsl problemə çevrilir. Dəfələrlə belə vəziyyətlərlə üzləşdiyini bildirən həmsöhbətimiz deyir ki, əsas əziyyəti də həbsxanada nəzarətçi işləyən Rəsul adlı şəxs törədir. «Rəsul adlı şəxs orada nəzarətçi işləyir. Yaxınlarımızla görüşmək üçün görüş otağı istəyəndə, bizdən 50 manat pul tələb edir. Əks təqdirdə, görüş «qanunla nəzərdə tutulan yerdə» keçirilir. Həmin yer isə dəmir barmaqlıqlardır ki, bir tərəfində yaxının, digər tərəfində də sən olursan. Hətta onunla əl verib görüşə belə bilmirsən».

Bizə şikayət edən vətəndaş Pentenisiar Xidmətin rəhbəri Mədət Quliyevə saytımız vasitəsi ilə müraciət edərək, yaranmış problemin aradan qaldırılmasını istəyir. «Mədət müəllim deyir ki, həbsxanada rüşvət yoxdur. Bəs, o zaman Rəsul kimi adamlar hardan özlərində cəsarət tapıb, bizdən pul tələb edirlər? Xahiş edirəm ki, bu problemin aradan qaldırılmasına bizə yardımçı olsun».
Axtarış sistemlərində qeydə alınmayan, aktiv keçid linki olmadan saytda yayımlanmış materialların köçürülməsi və yayımı qəti qadağandır! Qeyd olunan qaydalara əməl olunaraq başqa saytlarda yayımlanmış materiallara bildirilən fikirlərə görə sayt rəhbərliyi məsuliyyət daşımır!

Azərbaycan Respublikası, Bakı şəhəri

(+99470) 600 50 01

(+99450) 229 29 20

(+994 70) 734 50 00


[email protected]