BolgeXeber.Com » Gündəm » "Kontakt Home"dan alıcılara Yeni il FIRILDAĞI

"Kontakt Home"dan alıcılara Yeni il FIRILDAĞI

15-12-2015, 17:19
Oxunub: 6 860 "Kontakt Home"dan alıcılara Yeni il FIRILDAĞIOxucu haqlı olaraq sual verir ki, əgər telefon mesajda yazıldığı kimi ilkin ödənişsiz və faizsizdirsə, niyə 11 ayın sonunda 1089 manata başa gəlir?

Artıq yeni ilə sayılı günlər qalıb, telefonumuza gələn "bayram endirimləri" mesajlarının da hər gün sayı artır. Elə onlardan biri də elektron məhsullar, məişət avadanlıqları və mebel satışı ilə məşğul olan “Kontakt Home” mağazalar şəbəkəsindən idi.

Bəlkə, çoxumuz o mesajları oxumadan silirik, amma elə oxucularımız da var ki, endirim fürsətindən yararlanmaq istəyir. Onlardan biri də Çingiz Əliyevdir. “Qafqazinfo” xəbər verir ki, Çingiz Əliyev də ötən həftə bu halla qarşılaşıb. Onun telefonuna “Kontakt Home”dan endirim kampaniyası ilə bağlı mesajı gəlib.
Mesajda yazılıb: “Telefon! TV! Komputer! Məişət texnikası! İLKİN ÖDƏNİŞSİZ! 12 ay FAİZSİZ! “Samsung” , “LG”, “Sony”, “HP”, “Philips” və s. özün seç. 10 Yanvaradək. Ətraflı: (012) 533****”
Çingiz Əliyev mesajı oxuduqdan sonra mağazaya gedir və adı endirim siyahısında olan “LG” markasından bir telefon istəyir. Satıcı ona bildirir ki, həmin telefonun qiyməti 759 manatdır, 11 ay müddətinə kreditə verilir, aylıq ödəniş isə 99 manat təşkil edir.
Oxucu haqlı olaraq sual verir ki, əgər telefon mesajda yazıldığı kimi ilkin ödənişsiz və faizsizdirsə, niyə 11 ayın sonunda 1089 manata başa gəlir? Mağazadan isə ona bildiriblər ki, bu kampaniya sadəcə məişət əşyalarına aiddir.
"Kontakt Home"dan alıcılara Yeni il FIRILDAĞI

Biz də məsələni araşdırmaq üçün “Kontakt Home”un baş ofisi ilə əlaqə saxladıq. Diqqətimizə çatdırdılar ki, eynən mesajda qeyd olunan şərtlər əsasında “LG” telefonu əldə edə bilərik. Biz də fürsət düşmüşkən, həm oxucunun problemi ilə, həm də telefon qiymətləri ilə maraqlanmaq üçün sözügedən məkana baş çəkdik.
Məlum oldu ki, hər şey nə mesajda yazıldığı kimidir, nə də telefonda deyildiyi kimi...
Biz isə şirkətin elan etdiyi kampaniyanı dəfələrlə xatırladaraq seçdiyimiz telefonu faizsiz kreditlə almaq istədiyimizi bildirdik. Sözümüzü təsdiqləyən satış məsləhətçisi bizə sözügedən markanın telefonunu sata biləcəyini dedi. Məsələ hesaba gəlincə isə aydın oldu ki, 759 AZN dəyəri olan malın qiyməti yenə fərqli başa gəlir: 11ay x 99AZN =1089 AZN. Səbəbini soruşanda isə bu modelin kampaniyaya tək deyil, saatı ilə birlikdə daxil olunduğunu və qiymətin də saatla bərabər hesablandığını diqqətimizə çatdırdılar.
Bolgexeber.com